ଭୁବନେଶ୍ବର: ବଜ୍ରକାପ୍ତା ଚୋରା ଚାଲାଣ ବେଳେ ଧରିଲା ଏସଟିଏଫ ଟିମ । କଟକ ବିରିବାଟିରୁ ଉଦ୍ଧାର ହେଲା ଜୀବନ୍ତ ବଜ୍ରକପ୍ତା। କଟକରୁ ରାଜ୍ୟ ବାହାରକୁ ଚୋରା ଚାଲାଣ ବେଳେ ଧରିଲା ଏସଟିଏଫ ଟିମ। ଏହାସହ ଜଣଙ୍କୁ ଗିରଫ କରିଛି ଏସଟିଏଫ ।
କଟକ ଅନ୍ତର୍ଗତ ବିରିବାଟି କେନାଲ ରୋଡ ନିକଟରେ ରାସ୍ତାରେ 1 ଲକ୍ଷ ଟଙ୍କାରେ ଡିଲ୍ ହେଉଥିଲା। ଯେଉଁଥିରେ ଜଣେ ଅଭିଯୁକ୍ତ ବ୍ୟକ୍ତି ହେଉଛନ୍ତି, ଗୁମୁତିପୁରର ସାନ୍ତୋଷ କୁମାର ଦଲାଇ । ତାଙ୍କ ଘର ଧିଆସାହିରେ ବୋଲି ଜଣାପଡିଛି ।
ତାଙ୍କ ନିକଟରୁ ଗୋଟିଏ ଜୀବନ୍ତ ପାଙ୍ଗୋଲିନ ଏବଂ ଅନ୍ୟାନ୍ୟ ଅପରାଧୀକ ସାମଗ୍ରୀ ଜବତ କରାଯାଇଛି । ଯେଉଁଥିପାଇଁ ତାଙ୍କୁ ଗିରଫ କରିଛି । ତାଙ୍କୁ କଟକ କୋର୍ଟ ଚାଲାଣ କରାଯାଇଛି। ଜୀବନ୍ତ ପାଙ୍ଗୋଲିନ ନନ୍ଦନକାନନ କର୍ତ୍ତୃପକ୍ଷଙ୍କ ଜିମାରେ ଦିଆଯିବ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
