ଭୁବନେଶ୍ବର: ଅନ୍ତର୍ଜାତୀୟ ମହିଳା ଦିବସ ଅବସରରେ ଇଡ଼କଲ ପ୍ରେକ୍ଷାଳୟରେ ରାଜ୍ୟ ମହିଳା କମିଶନ ପକ୍ଷରୁ ଆୟୋଜିତ ମହିଳାଙ୍କ ପାଇଁ ପୁରୁଷ ଶୀର୍ଷକ ଆଲୋଚନା ଚକ୍ର ଉଦଘାଟିତ । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଓ ମୁଖ୍ୟବକ୍ତା ଭାବେ ରାଜ୍ୟ ସୂଚନା କମିଶନ ଅଧ୍ୟକ୍ଷ ଦିଲ୍ଲୀପ କୁମାର ବିଷୋୟୀ ଯୋଗ ଦେଇଛନ୍ତି ।
ରାଜ୍ୟ ମହିଳା କମିଶନ ପକ୍ଷରୁ ଆନ୍ତର୍ଜାତିକ ମହିଳା ଦିବସ ପାଳିତ
ରାଜ୍ୟ ମହିଳା କମିଶନ ଅଧ୍ୟକ୍ଷା ଡ଼ଃ ମିନତୀ ବେହେରା କାର୍ଯ୍ୟକ୍ରମରେ ଅଧ୍ୟକ୍ଷତା କରିଛନ୍ତି । ପରିବର୍ତ୍ତିତ ସମୟରେ ମହିଳାମାନେ ନିଜ ପ୍ରତିଭାରେ ଅନେକ ଶିଖର ଛୁଇଁଥିବାବେଳେ ସେମାନେ ସର୍ବଦା ସମ୍ମାନିତ ହୋଇଛନ୍ତି ଓ ଆଗରେ ରହିଛନ୍ତି । ତେଣୁ ସମୟ ଆସିଛି ଆସନ୍ତୁ ସେମାନଙ୍କୁ ତାଙ୍କ ଇଚ୍ଛାରେ ତାଙ୍କ ପସନ୍ଦର ଦିଗରେ ଅଗ୍ରସର ହେବାକୁ ଦିଅନ୍ତୁ । ତେବେ ହିଁ ସମାଜର ସର୍ବାଙ୍ଗୀନ ବିକାଶ ଅବଶ୍ୟମ୍ଭାବୀ ବୋଲି କହିଛନ୍ତି ମନ୍ତ୍ରୀ ଅଶୋକ ପଣ୍ଡା ।
ରାଜ୍ୟ ମହିଳା କମିଶନ ପକ୍ଷରୁ ଆନ୍ତର୍ଜାତିକ ମହିଳା ଦିବସ ପାଳିତ
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
