ଭୁବନେଶ୍ବର: ଦେଶରେ ବିଭିନ୍ନ କୃଷକ ସଙ୍ଗଠନଙ୍କ ପକ୍ଷରୁ କୃଷି ଆଇନକୁ ବିରୋଧ କରି ଆନ୍ଦୋଳନ ଜାରି ରହିଛି। ଏହାକୁ ସମର୍ଥନ ଜଣାଇବା ଉଦ୍ଦେଶ୍ୟରେ ଆସନ୍ତାକାଲି ଭାରତ ବନ୍ଦ ଡାକରା ଦିଆ ଯାଇଛି।
ଏ ନେଇ ସୋମବାର ଏକ ମିଳିତ ସାମ୍ବାଦିକ ସମ୍ମିଳନୀ ହୋଇଛି । ଏଥିରେ ସାମିଲ ଦଳ ଗୁଡିକ ବିଜେଡିକୁ ସମାଲୋଚନା କରି କହିଛନ୍ତି ଯେ, ରାଜ୍ୟରେ ଶାସନ କରୁଥିବା ବିଜେଡି ସର୍ବଦା ଲୋକଙ୍କ ପାଇଁ କାର୍ଯ୍ୟ କରୁଥିବା କହୁଥିବା ନବୀନ ପଟ୍ଟନାୟକ ଓ ତାଙ୍କ ଦଳ ଦୋମୁହା ନୀତି ଆପଣାଇଛି । ଏଥିସହିତ ବିଜେଡି ଯଦି ପ୍ରକୃତରେ ରାଜ୍ୟର ଜନସାଧାରଣଙ୍କ ହିତ ଚାହୁଁଥାଏ ତେବେ କେନ୍ଦ୍ରର ଏହି ଆଇନ ବିରୁଦ୍ଧରେ ଆସନ୍ତାକାଲି ର ଏହି ବନ୍ଦ କୁ ସମର୍ଥନ ଜାଣାଇବାକୁ ଆହ୍ୱାନ ଦିଆଯାଇଛି।
ଆସନ୍ତାକାଲି ସକାଳ 6 ଠାରୁ ସନ୍ଧ୍ୟା 6ଟା ପର୍ଯ୍ୟନ୍ତ ଏହି ବନ୍ଦ ଜାରି ରହିବ। ଏଥିରେ ସମସ୍ତ ଅତ୍ୟାବଶ୍ୟକ ସେବା ଯଥା ସ୍ୱାସ୍ଥ,ବିଜୁଳି,ପାନୀୟ ଯୋଗାଣ,ପିଲାମାନଙ୍କ ପରୀକ୍ଷା ଓ ଆମ୍ବୁଲାନ୍ସ କୁ ବାଦ ଦେଇ ଅନ୍ୟ ସବୁ ବନ୍ଦ ରହିବ। ତେଣୁ ଏହାକୁ ଜନସାଧାରଣ ସମର୍ଥନ କରିବା ସହ ଦେଶର ଅନ୍ନଦାତାଙ୍କୁ ତାଙ୍କ ନାର୍ଯ୍ୟ ଦାବି ହାସଲ ପାଇଁ ସହଯୋଗ କରିବାକୁ କୁହାଯାଇଛି।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
