ଭୁବନେଶ୍ବର: ଜିଏସଟି କ୍ଷତିପୂରଣ ବାବଦ ଅର୍ଥ ପାଇବାକୁ ଓଡିଶା ଋଣ କରିବ । ଖୋଲା ବଜାରରୁ ୨୮୫୮କୋଟି ଟଙ୍କା ଋଣ କରିବେ ରାଜ୍ୟ ସରକାର । କୋଭିଡ ୧୯ ମହାମାରୀ ପ୍ରଭାବରେ କେନ୍ଦ୍ର ସରକାର ରାଜ୍ୟକୁ ଜିଏସଟି କ୍ଷତିପୂରଣ ଦେବାକୁ ଅସମର୍ଥ ହେବାରୁ ଖୋଲା ବଜାରରୁ ଋଣ କରିବା ପାଇଁ ରାଜ୍ୟ ଗୁଡିକୁ ପରାମର୍ଶ ଦେଇଥିଲେ । ଓଡିଶା ସମେତ ୨୦ଟି ରାଜ୍ୟ ଏଥିରେ ରାଜି ହୋଇଥିବା ବେଳେ ଏଥିପାଇଁ ୬୮୮୨୫କୋଟି ଟଙ୍କା ଋଣ ପାଇଁ ଅନୁମତି ଦେଇଛି ଅର୍ଥମନ୍ତ୍ରଣାଳୟ । ଏଥିରୁ ଓ଼ଡିଶାର ଭାଗ ହେଉଛି ୨୮୫୮ କୋଟି ଟଙ୍କା ।
ରାଜ୍ୟ ଗୁଡିକ ନିଜ ରାଜ୍ୟର ମୋଟ ଜିଏସଡିପିର ୦.୫ ପ୍ରତିଶତ ମୂଲ୍ୟର ଋଣ ଆଣିବାର ପ୍ରାବଧାନ ରହିଛି । ଅବଶ୍ୟ ଏହି ଋଣ ରାଜ୍. ସରକାରଙ୍କ ଖାତାରେ ଚଢିବ ନାହିଁ । କେନ୍ଦ୍ର ସରକାର ଏଥିରେ ଗ୍ୟାରେଣ୍ଟର ରହିବା ସହ କେନ୍ଦ୍ର ଠାରୁ ସେସ ବାବଦ ରାଶୀ ମିଳିବା ପରେ ରାଜ୍ୟ ଗୁଡିକ ଏହାର ପରିଶୋଧ କରିବେ । ବିଜେଡି ସାଂସଦ ଅମର ପଟ୍ଟନାୟକ କହିଛନ୍ତି କେବେ ଅଣାଯିବ ଏବଂ କେଉଁ କ୍ଷେତ୍ରରେ ଖର୍ଚ୍ଚ ହେବ, ଚାଲିଛି ବିଚାର ବିମର୍ଶ ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
