ଭୁବନେଶ୍ବର: ପୁଣି ଶୁଣିବାକୁ ମିଳିଲାଣି ସାରଥୀ ଓରଫ ସନ୍ତୋଷ ରାଉଳଙ୍କ ପ୍ରବଚନ (Sarathi speech) । ସୋସିଆଲ ମିଡିଆରେ ଆକ୍ଟିଭ ସାରଥୀ (sarathi baba active in social media) । ସାମାଜିକ ଗଣମାଧ୍ୟମରେ ଘୁରିବୁଲିଛୁ ସାରଥୀଙ୍କ ପ୍ରବଚନ । ସାରଥି ପ୍ରଭୁ ନାମରେ ଅପଲୋଡ ହେଉଛି ପ୍ରବଚନ। ଯାହା ଏକ ଚର୍ଚ୍ଚାର ବିଷୟ ହୋଇଛି ।
ସୂଚନାଅନୁସାରେ ଗତକାଲି(ମଙ୍ଗଳବାର) ସାରଥୀ ପ୍ରଭୁ ନାମରେ ଥିବା ଆଇଡିରେ ସାରଥୀଙ୍କ ପ୍ରବଚନ ଦେଖିବାକୁ ମିଳିଥିଲା । ସେଥିରେ 'ମଣିଷ ଶରୀର ହେଉଛି ଭଡାଘର ସଦୃଶ୍ୟ' ବାଣୀ ଲେଖାଥିଲା । ସେପଟେ କମେଣ୍ଟରେ ଅନେକ ଅଶ୍ଳିଳ ଭାଷାରେ ଗାଲି ଗୁଲଜ କରୁଥିବା ଦେଖିବାକୁ ମିଳିଛି । ଯାହାକୁ ନେଇ ପୁଣି ଚର୍ଚ୍ଚା ଜୋର ଧରିଛି । ସାରଥି ଭକ୍ତଙ୍କ ସହ ଏକାଠି ଉପରେ କୋର୍ଟ କଟକଣା ଲଗାଇଥିଲେ । ଅନଲାଇନରେ ସରାଥୀ ଭକ୍ତ ଆକ୍ଟିଭ ହେବାକୁ ଏପରି ଉପାୟ ବାଛିଥିବା ଚର୍ଚ୍ଚା ହେଉଛି ।
କିଛିଦିନ ତଳେ ଭୁବନେଶ୍ବରରେ ସାରଥୀଙ୍କ ଜନ୍ମଦିନ ପାଳନ ଅବସରରେ ଏକାଠି ହୋଇଥିଲେ କିଛି ସାରଥୀ ସମର୍ଥକ। ରାଜଧାନୀର ଗଙ୍ଗନଗର ସ୍ଥିତ ୪୬ ନଂ ଓ୍ବାର୍ଡରେ ଥିବା ସହରାଞ୍ଚଳ ଆବାସିକ ସ୍ଥଳୀରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଧୂପ ଦୀପ ବ୍ୟାନର ସହ କେକ୍ କାଟି ଫଟୋରେ ପୁଷ୍ପମାଲ୍ୟ ଦେଇ ଜନ୍ମଦିନ ପାଳନ କରିଥିଲେ । ପୁଣି ସାରଥୀ ବାବାଙ୍କ ଫେରିବା ନେଇ ଚର୍ଚ୍ଚା ହୋଇଥିଲା ।
ଆହୁରି ପଢନ୍ତୁ...ପୁଣି ପ୍ରବଚନ ଦେବେ ସାରଥୀ ! କୋର୍ଟ ଦେଲେ ଅନୁମତି
ସାରଥୀ ଆଉ ପ୍ରବଚନ ଦେଇ ପାରିବେ ନାହିଁ ବୋଲି ପୂର୍ବରୁ କୋର୍ଟଙ୍କ ନିର୍ଦ୍ଦେଶନାମା ରହିଥିଲା। ଏହାସହ ସର୍ତ୍ତମୂଳକ ଭାବେ ସାରଥୀ ଜେଲରୁ ମୁକୁଳିଥିଲେ। ଫେବୃଆରୀ ୧୬ରେ ପ୍ରବଚନ ପାଇଁ ତାଙ୍କୁ ଅନୁମତି ମିଳିଥିଲା ।
ଭୁବନେଶ୍ବରରୁ ତାପସ ପରିଡା,ଇଟିଭି ଭାରତ
