ଭୁବନେଶ୍ବର: କେନ୍ଦ୍ର ଓ ରାଜ୍ୟ ସରକାରଙ୍କ କୃଷକ ମାରଣାନୀତିକୁ କଂଗ୍ରେସର ବିରୋଧ । କେନ୍ଦ୍ର ଓ ରାଜ୍ୟ ସରକାର ଉଭୟେ ମିଳିତ ଭାବେ ଦେଶର କୃଷକ ମାନଙ୍କୁ ଅଣଦେଖା କରୁଥିବା ଅଭିଯୋଗ କରିଛି କଂଗ୍ରେସ । କଂଗ୍ରେସ ଅଭିଯୋଗ କରିଛି ଯେ," ବିଭିନ୍ନ ଯୋଜନାମାନ କୃଷକ ମାନଙ୍କ ପାଇଁ ତିଆରି ହୋଇଥିବା ବେଳେ କୃଷକମାନଙ୍କୁ ତାହା ମିଳିପାରୁନାହିଁ । ସେ କାଳିଆ ଯୋଜନା ହେଉକି ପିଏମ କିଶାନ ଯୋଜନା ହେଉ ସବୁ ହରିଲୁଟ ହେଉଛି । ସବୁ ଯୋଜନାରେ ନିରୀହ କୃଷକ ଭାଇ ଭଉଣୀମାନଙ୍କୁ ମିଛ ପ୍ରତିଶ୍ରୁତି ଓ ପ୍ରତାରଣା କରାଯାଉଛି । ରାଜ୍ୟରେ କୃଷକ ଆତ୍ମହତ୍ୟା ଦିନକୁ ଦିନ ବଢୁଥିବା ବେଳେ ସରକାର କୃଷକମାନଙ୍କୁ ଦେଇଥିବା କାଳିଆ ଓ ପିଏମ କିଷାନ ଯୋଜନାରେ ଦେଇଥିବା ଟଙ୍କା ପୁନଶ୍ଚ ଫେରସ୍ତ କରିବାକୁ କହୁଛନ୍ତି । "
ଏହାକୁ କଂଗ୍ରେସ ବିରୋଧ କରିବା ସହ କଣ ପାଇଁ ଏଭଳି କରାଯାଇଛି ବୋଲି ପ୍ରଶ୍ନ କରିଛି । ଆଗରୁ ସରକାର କଣ ପାଇଁ ସଠିକ ଭାବେ ହିତାଧିକାରୀ ଚିହ୍ନଟ କଲେ ନାହିଁ । ଯାହା ଆଜି ପ୍ରକୃତ ହିତାଧିକାରୀଙ୍କୁ ହରଡଘଣାରେ ପକାଇଛି । ତେଣୁ କୃଷକଙ୍କ ସ୍ବାର୍ଥରେ କଂଗ୍ରେସ ତାର ସ୍ବର ଶାଣିତ କରିବା ସହ ଉଭୟ ସରକାରଙ୍କ ବିରୋଧରେ ଆନ୍ଦୋଳନ ଡାକରା ଦେଇଛି । ତେଣୁ ଆମେ କୃଷକଙ୍କ ପ୍ରତି ହେଉଥିବା ଏ ଅତ୍ୟାଚାରକୁ ଓ ଅବିଚାରକୁ ବରଦାସ୍ତ କରିବୁ ନାହିଁ ବୋଲି କହିଛନ୍ତି ପିସିସି ସଭାପତି । ଅନ୍ୟପଟେ ଏନେଇ ସର୍ବଭାରତୀୟ କିଷାନ କଂଗ୍ରେସ ଅଧକ୍ଷ୍ୟ ବା ପଞ୍ଜାବ ବିଧାୟକ ଶୁଖପାଲ ସିଂ ଖେରା ମଧ୍ୟ ଏନେଇ କଂଗ୍ରେସ ଉପରେ ବର୍ଷିଛନ୍ତି ।
ଇଟିଭି ଭାରତ, ଭୁବନେଶ୍ବର
