ଭୁବନେଶ୍ବର: ପୁଣି କଂଗ୍ରେସର ବାହାରିଲା ପୁରୁଣା ରୋଗ । ପଦାରେ ପଡିଲା ଦଳୀୟ କନ୍ଦଳ । ‘ଦଳରେ ଅଛନ୍ତି ଭିଲିୟାନ । ଯିଏ ସରକାରୀ ଦଳ ସହ ହାତ ମିଳାଇଛନ୍ତି । କଂଗ୍ରେସ ନେତାଙ୍କୁ ଗିରଫ ମଧ୍ୟ କରିଛନ୍ତି ।’ଏଭଳି କିଛି ବିସ୍ଫୋରକ ବୟାନ ଦେଇ ନେତାଙ୍କ ବିରୋଧରେ ବିଷ ଓଗାଳିଛନ୍ତି ଦଳର ପୂର୍ବତନ ସାଂସଦ ଅମର ପ୍ରଧାନ ।
ଗଣ ମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ସେ, ଦଳରେ ଜଣେ ବଡ ଭିଲିଆନ ଅଛନ୍ତି । ଯିଏ କଂଗ୍ରେସ ଭିତରେ ଥାଇ ସରକାରୀ ଦଳ ସହ ହାତ ମିଳାଇଛନ୍ତି । କଂଗ୍ରେସ ନେତାଙ୍କୁ ମଧ୍ୟ ଗିରଫ କରାଉଛନ୍ତି । ସୋନିଆଙ୍କ ଆଗରେ ମୁଁ ଭିଲିୟାନଙ୍କ ଖୁଲାସା କରିବି । ଏ ନେଇ ସୋନିଆଙ୍କୁ ସମୟ ମାଗିବି । ସେ ସମୟ ଦେଲେ ମୁଁ ତାଙ୍କ ଆଗରେ ଖୁଲାସା କରିବି । ଅମରଙ୍କ ଏହି ବୟାନ ପରେ ରାଜନୀତିରେ ହଇଚଇ ସୃଷ୍ଟି କରିଛି । ଦଳ ମଧ୍ୟରେ ଚାଲିଥିବା ଶୀତଳ ଯୁଦ୍ଧ ସାମ୍ନାକୁ ଆସିଛି । ତେବେ କଂଗ୍ରେସ ଦଳରେ କନ୍ଦଳ ନୂଆ କଥା ନୁହେଁ । ପୂର୍ବରୁ ମଧ୍ୟ ଏଭଳି ଘଟଣାା ସାମ୍ନାକୁ ଆସିଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
