ଭୁବନେଶ୍ବର: ବନ୍ୟା ପରିଚାଳନା ନେଇ ରାଜ୍ୟ ସରକାରଙ୍କୁ ଟାର୍ଗେଟ କଲା ବିଜେପି (bjp targets bjd over flood management) । ମହାନଦୀରେ ଆସିଥିବା ବନ୍ୟା ମନୁଷ୍ୟକୃତ ବୋଲି ଅଭିଯାଗ କରିଛି ବିଜେପି । ରାଜ୍ୟ ସରକାର ବନ୍ୟା ପରିଚାଳନାରେ ବିଫଳ ହୋଇଛନ୍ତି ଏବଂ ତାଙ୍କ ଅବହେଳା ଓ ଦାୟିତ୍ବ ହୀନତା ପାଇଁ ବନ୍ୟା ପରିସ୍ଥିତି ସୃଷ୍ଟି ହୋଇଥିବା କହି ସାମ୍ବାଦିକ ସମ୍ମିଳନୀରେ (Odisha bjp press meet) ବିଜେଡି ସରକାର ଉପରେ ବର୍ଷିଛି ବିଜେପି ।
ବିଜେପି ସାଧାରଣ ସମ୍ପାଦକ ପୃଥ୍ବୀରାଜ (Bjp leader prithviraj harichandan targets BJD) କହିଛନ୍ତି, "ସରକାରଙ୍କ ଅବହେଳା ଯୋଗୁଁ ଗତ ୬ରୁ୭ ବର୍ଷ ହେବ ଛତିଶଗଡ଼ ସହ ସମନ୍ବୟ ବୈଠକ (coordination committee) ସଠିକ ଭାବରେ ହୋଇ ପାରୁନାହିଁ । ହୀରାକୁଦ ଜଳ ପରିଚଳନା ନେଇ ରୂଲ କର୍ଭ ନିୟମ ଉଲ୍ଲଘଂନ ଓ ବନ୍ଧବାଡ଼ର ସଠିକ ମରାମତି କରାନଯିବା କରଣରୁ ଏଭଳି ସ୍ଥିତି ସୃଷ୍ଟି ହେଲା । ଯାହା ଦ୍ବାରା ଧନ ଜୀବନ ନଷ୍ଟ ହେବାସହ ବ୍ୟାପକ ଫସଲ ହାନି ହୋଇଛି । ବନ୍ୟାରେ କଚ୍ଚା ଘର ବି ଅନେକ ଭାଙ୍ଗିଛି । ଏପରିକି ପ୍ରଶାସନ ପଲିଥିନ ଖଣ୍ଡିଏ ବି ଯୋଗାଇ ଦେଇନାହିଁ। ବନ୍ୟା ଆସିବାର 4 ଦିନ ପର୍ଯ୍ୟନ୍ତ ରିଲିଫ ଅପରେସନ ହେଲା ନାହିଁ । ରନ୍ଧା ଖାଦ୍ୟ କି ଶୁଖିଲା ଖାଦ୍ୟ ବି ଦିଆ ଯାଇନଥିଲା । ଲୋକଙ୍କୁ କେବଳ ଭଗବାନ ଭରଷା ରେ ଛାଡି ଦିଆଗଲା ।"
