ଭୁବନେଶ୍ବର: ଆଜି ବିଧାନସଭା ଶୀତ ଅଧିବେଶନ (Odisha Assembly Winter Session) ପ୍ରଶ୍ନକାଳ ଆରମ୍ଭରୁ କମ୍ପାଇଥିଲେ ବିରୋଧୀ । ମମିତା ମେହେର ହତ୍ୟାକାଣ୍ଡକୁ (Mamita Meher Murder Case) ପ୍ରସଙ୍ଗ କରି ଗୃହରେ ହୋହଲ୍ଲା କରିଥିଲେ ବିଜେପି ସଦସ୍ୟ । ଏହାପରେ ଅପରାହ୍ନ ୪ଟା ଯାଏଁ ଗୃହକୁ ମୁଲତବୀ ଘୋଷଣା କରିଥିଲେ ବାଚସ୍ପତି । ଗୃହ ମୁଲତବୀ ପରେ ମମିତା ମେହେର ହତ୍ୟାକାଣ୍ଡକୁ ନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଚିଠି ଲେଖି ଲୋୟର ପିଏମଜି ପୋଷ୍ଟ ଅଫିସ ପର୍ଯ୍ୟନ୍ତ ଏକ ବିରାଟ ଶୋଭାଯାତ୍ରାରେ ଯାଇଛନ୍ତି ବିଜେପି ସଦସ୍ୟ । ଚିଠିରେ ମମିତା ମେହେର, ଅଞ୍ଜନା ମିଶ୍ର ଆଦି ଅନେକ ପ୍ରସଙ୍ଗ ଉଠାଇଛନ୍ତି ବିରୋଧୀ ।
ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ପିଏମଜି ସ୍ଥିତି ମହାଡ଼ାକପାଳ କାର୍ଯ୍ୟାଳୟ ପର୍ଯ୍ୟନ୍ତ ଏକ ଶୋଭାଯାତ୍ରାରେ ଯାଇ ଏକ ଚିଠି ପୋଷ୍ଟ କରିଛି ଭାରତୀୟ ଜନତା ପାର୍ଟି । ବିଜେପିର ଅଭିଯୋଗ ମୁଖ୍ୟମନ୍ତ୍ରୀ ମହିଳାଙ୍କ ବିଷୟରେ ସମାନ ଆଭିମୁଖ୍ୟରେ କଣ ପାଇଁ ପାତରଅନ୍ତର କରୁଛନ୍ତି । 1999 ଦୁଷ୍କର୍ମ ଘଟଣାରେ ମୁଖ୍ୟମନ୍ତ୍ରୀ ତତ୍କାଳୀନ ମୁଖ୍ୟମନ୍ତ୍ରୀ ଜାନକୀ ପଟ୍ଟନାୟକଙ୍କ ଇସ୍ତଫା ଦାବି କରିଥିଲେ ହେଲେ ଏବେ ମମିତା ମେହେର ହତ୍ୟାକାଣ୍ଡରେ କଣ ପାଇଁ ଚୁପ ବସିଛନ୍ତି ବୋଲି ପ୍ରଶ୍ନ କରି ନାରାବାଜି ଦେଇଛି ବିଜେପି ।
