ଭୁବନେଶ୍ବର: ବହୁ ଚର୍ଚ୍ଚିତ ନର୍ସ ନିହାରିକା ହତ୍ୟା ମାମଲା । ଆସନ୍ତା ୪ ସପ୍ତାହରେ ରିପୋର୍ଟ ଦେବାକୁ ଜଗତସିଂହପୁର ଜିଲ୍ଲାର ଏସପିଙ୍କୁ ଜାତୀୟ ମାନବାଧିକାର କମିଶନଙ୍କ ନିର୍ଦ୍ଦେଶ । ସୂଚନା ଅନୁସାରେ, ବହୁ ଚର୍ଚ୍ଚିତ ନର୍ସ ନିହାରିକା ହତ୍ୟା ମାମଲାରେ ଏବେ ଜାତୀୟ ମାନବାଧିକାର କମିଶନଙ୍କ ନିକଟରେ ଅଭିଯୋଗ ହୋଇଛି । ନିହାରିକା ହତ୍ୟା ମାମଲାରେ ପୁଙ୍ଖାନୁପୁଙ୍ଖ ତଦନ୍ତ କରିବା ସହ ଜଗତସିଂହପୁର ଜିଲ୍ଲାର ଏସପିଙ୍କୁ ସମ୍ପୂର୍ଣ୍ଣ ରୂପେ ୪ ସପ୍ତାହର ସମୟ ଦିଆଯାଇଛି ।
ପ୍ରକାଶ ଥାଉକି, ଗତ ସେପ୍ଟେମ୍ବର 20 ତାରିଖରେ ମୃତ ନିହାରିକାର ପରିବାର ଲୋକ ନିହାରିକା ବୟଫ୍ରେଣ୍ଡ ରାଜା ବିରୋଧରେ ପୋଲିସରେ ଲିଖିତ ଅଭିଯୋଗ କରିଥିଲେ । ପରେ ପ୍ରେମିକ ରାଜା ନିହାରିକଙ୍କୁ ହତ୍ୟାକରି ଏକ ବାଇକ ସାହାଯ୍ୟରେ ନଦୀ ପଠାରେ ପକାଇ ଘଟଣାସ୍ଥଳରୁ ଫେରାର ହୋଇଯାଇଥିଲା ବୋଲି ପୋଲିସ ପର୍ଦ୍ଦାଫାସ କରିଥିଲା ।
ତେବେ ଏକ ମାତ୍ର ରୋଜଗାରିଆ ଝିଅକୁ ହରାଇବା ପରେ ନିହାରିକର ପରିବାର ଏକ ପ୍ରକାରର ଆର୍ଥିକ ସ୍ଥିତି ଭଲନଥିଲା । ଝିଅର ହତ୍ୟାରେ ପ୍ରେମିକ ରାଜା ସହ ଅନ୍ୟ ସହଯୋଗୀଙ୍କ ସମ୍ପୃକ୍ତିଥିବା କହି ଗିରଫ ଦାବି କରିଥିଲେ ପରିବାର ଲୋକ।
କେବଳ ସେତିକି ନୁହେଁ ଆର୍ଥିକ ସହାୟତା ଯୋଗାଇ ଦେବା ପାଇଁ ଜାତୀୟ ମାନବାଧିକାର କମିଶନଙ୍କ ନିକଟରେ ଅଭିଯୋଗ କରିଥିଲେ ନିହାରିକର ବାପା ଓ ମାଆ। ଏହି ଘଟଣାକୁ ନେଇ କମିଶନ ତାଙ୍କ ପରିବାରଙ୍କୁ ୨୦ ଲକ୍ଷ ଟଙ୍କା କ୍ଷତିପୂରଣ ଦେବା ପାଇଁ ନିର୍ଦ୍ଦେଶ ଦେଇଥିଲେ ।
ତେବେ ଏନଏଚଆରସି ଏହି ଘଟଣାକୁ ନେଇ ଏକ ମାମଲା ରୁଜୁ କରିଛି । ଏହି ମାମଲାର କେସ ନମ୍ବର ୩୨୬୨/୧୮/୨୩/୨୦୧୯ ରେ ଜଗତସିଂହପୁର ଏସପିଙ୍କୁ ନୋଟିସ କରିଛନ୍ତି ଜାତୀୟ ମାନବ ଅଧିକାର କମିଶନ । ଏବେ ମାତ୍ର ୪ ସପ୍ତାହ ମଧ୍ୟରେ ସମ୍ପୂର୍ଣ ତଥ୍ୟ ପ୍ରଦାନ କରିବେ ବୋଲି ନିର୍ଦ୍ଦେଶ ଦେଇଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
