ଭୁବନେଶ୍ବର: ରାଜଧାନୀରେ ଚାଞ୍ଚଲ୍ୟ । ଭୁବନେଶ୍ବରରେ ବିଭତ୍ସ ହତ୍ୟାକାଣ୍ଡ । ହତ୍ୟାପରେ ମୃତଦେହକୁ ଘୋଷାଡି ଘୋଷାଡି ବଣରେ ଫିଙ୍ଗିଥିବା ଅନୁମାନ । ପୋଲିସର ତଦନ୍ତ ଜାରି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ନୟାପଲ୍ଲୀ ଥାନା ରେଣ୍ଟାଲ କଲୋନୀ କୃଷି ଉଦ୍ୟାନ କମ୍ପ୍ଲେକ୍ସ ପାଖ ବଣରୁ ମୃତଦେହ ଉଦ୍ଧାର ହୋଇଛି । ଉଦ୍ଧାର ହୋଇଥିବା ମୃତଦେହ ନୟାଗଡ ଜିଲ୍ଲା କଣ୍ଟିଲୋ ଅଞ୍ଚଳର ଦିଲ୍ଲୀପ ସାହୁଙ୍କର ବୋଲି ଜଣାପଡିଛି । କୃଷି ଉଦ୍ୟାନ କମ୍ପ୍ଲେକ୍ସର ସିଡିରେ ରକ୍ତ ଛିଡା ଲାଗିଥିବାରୁ ତାଙ୍କୁ କେହି ଦୁର୍ବୃତ୍ତ ହତ୍ୟା କରି ସିଡିରେ ଟାଣି ଟାଣି ନେଇଥିବା କୁହାଯାଉଛି ।
ତେବେ ଦିଲ୍ଲୀପ, ପିଣ୍ଟୁ ଜେନା ନାମକ ଜଣେ ଯୁବକ ସହ ପାଖ କମ୍ପ୍ଲେକ୍ସରେ ରହୁଥିବାରୁ ହତ୍ୟାକାଣ୍ଡରେ ପିଣ୍ଟୁର ସମ୍ପୃକ୍ତି ଥିବା ପୋଲିସ ଅନୁମାନ କରୁଛି । ଘଟଣା ସାମ୍ନାକୁ ଆସିବା ପରେ ପୋଲିସ ଓ ସାଇଣ୍ଟିଫିକ୍ ଟିମ ପହଞ୍ଚି ପିଣ୍ଟୁକୁ ଖୋଜାଖୋଜି କରିବା ସହ ତଦନ୍ତ ଆରମ୍ଭ କରିଛି ।
ଅନ୍ୟପଟେ ଏପରି ହତ୍ୟାକାଣ୍ଡର କାରଣ ଏବେସୁଦ୍ଧା ଅସ୍ପଷ୍ଟ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
