ଭୁବନେଶ୍ବର: ଦିନକୁ ଦିନ ଅସୁରକ୍ଷିତ ହୋଇ ପଡ଼ୁଛି ରାଜଧାନୀ । ତମାଣ୍ଡୋ ଥାନା ନାରଗଦାରେ ଘର ସାମ୍ନାରେ ପତ୍ନୀ ଓ ପୁଅକୁ ନିର୍ମମ ହତ୍ୟା କଲା ସ୍ବାମୀ । ମୃତ ମହିଳାଙ୍କ ବୟସ ୩୫ରୁ ୪୦ ହୋଇଥିବା ବେଳେ ପୁଅର ବୟସ ୧୦ ବର୍ଷ ହେବା ନେଇ ଅନୁମାନ କରୁଛି ପୋଲିସ । କାକଟପୁର ପୋଲିସ ଷ୍ଟେସନରେ ହତ୍ୟାକାରୀ ସ୍ବାମୀ ଅବନ୍ତି ମଙ୍ଗରାଜ ଆତ୍ମସମର୍ପଣ କରିଛି । ହତ୍ୟାକାଣ୍ଡର ପ୍ରକୃତ କାରଣ ଏବେବି ଅସ୍ପଷ୍ଟ ରହିଛି । ପୋଲିସ ହତ୍ୟାକାଣ୍ଡ ସ୍ଥାନରୁ ପାରିପାର୍ଶ୍ବିକ ପ୍ରମାଣ ସଂଗ୍ରହ କରିଛି ।
ରାଜଧାନୀରେ ମା' ଓ ପୁଅକୁ ନିର୍ମମ ହତ୍ୟା
ମୃତ ମହିଳା ସ୍ବର୍ଣ୍ଣଲତା ମଙ୍ଗରାଜ ବୋଲି ଜଣାପଡ଼ିଛି । ପୁଅର ନାଁ କାହ୍ନା ମଙ୍ଗରାଜ । ଉଭୟଙ୍କୁ ତଣ୍ଟି ଚିପି ହତ୍ୟା କରାଯାଇଥିବା ପ୍ରାଥମିକ ତଦନ୍ତରୁ ପୋଲିସ ଜାଣିବାକୁ ପାଇଛି । ସେପଟେ ଘଟଣାସ୍ଥଳରେ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ଆରମ୍ଭ କରିଛି ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
