ଭୁବନେଶ୍ବର: ଫୁଟପାଥରେ ପ୍ରସବ କଲେ ମହିଳା । ଏହି ଘଟଣା ଖୋଦ ରାଜଧାନୀ କ୍ୟାପିଟାଲ ହସ୍ପାଟାଲର ବାହାରେ ଦେଖିବାକୁ ମିଳିଛି । ଡାକ୍ତରଙ୍କ ଅଣଦେଖା ଓ ମନମାନୀ ଯୋଗୁଁ ଯନ୍ତ୍ରଣା ସହି ନପାରି ରାସ୍ତାକଡରେ ମହିଳା ଜଣଙ୍କ ପ୍ରସବ କରିଥିବା ଦେଖାଦେଇଛି । ରାଜ୍ୟର ପ୍ରମୁଖ ହସ୍ପିଟାଲରେ ଏଭଳି ଅବହେଳା ‘ମୋ ସରକାର’ ଯୋଜନାକୁ ସମ୍ପୁର୍ଣ୍ଣ ବିଫଳ କରିଦେଇଛି ।
ଫୁଟଫାଥରେ ପ୍ରସବ କଲେ ମହିଳା
ଅଭିଯୋଗ ହୋଇଛି ଯେ, ଖୋଦ ରାଜଧାନୀର ଏତେ ବଡ ଡାକ୍ତରଖାନାରେ ରୋଗୀ ଦେଖିବାକୁ ଡାକ୍ତର ନାହାନ୍ତି । ୬୦ ରୋଗୀକୁ ମାତ୍ର 2 ଡାକ୍ତର । ଏଥିରୁ ଏଠାକାର ସ୍ବାସ୍ଥ୍ୟସେବାର ବାସ୍ତବ ସ୍ଥିତି ଅନୁମେୟ । ଏପଟେ କିନ୍ତୁ ବହୁ ସଫେଇ ଦେଇ ଦୋଷ ଛଡେଇ ଦେଇଛନ୍ତି ମେଡିକାଲ ଅଧିକ୍ଷକ ।
ରାଜ୍ୟରେ ‘ମୋ ସରକାର’ ଅଭିଯାନ କ୍ୟାପିଟାଲ ହସ୍ପିଟାଲରୁ ଆରମ୍ଭ ହୋଇଥିଲା । ହେଲେ ଏଠାକାର ଏଭଳି ସ୍ଥିତି ଏବେ ରାଜ୍ୟର ଅନ୍ୟ ହସ୍ପିଟାଲର ରୋଗୀ ସେବା ନେଇ ପ୍ରଶ୍ନବାଚୀ ସୃଷ୍ଟି କରିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
