ଭୁବନେଶ୍ବର: ମହିଳାଙ୍କୁ ଗୁରୁତ୍ବ ଦେଲେ ରାଜ୍ୟ ସରକାର। ବସରେ ମହିଳାଙ୍କ ପାଇଁ ଉଦ୍ଧିଷ୍ଟ ସିଟରେ ପୁରୁଷ ବସିଲେ ହେବ କଡା କାର୍ଯ୍ୟାନୁଷ୍ଠାନ । ଏନେଇ କଡା ଆଭିମୁଖ୍ୟ ଗ୍ରହଣ କରିଛନ୍ତି ରାଜ୍ୟ ସରକାର।
ମହିଳା ସିଟରେ ବସୁଥିଲେ ସାବଧାନ !
ମହିଳାଙ୍କ ପାଇଁ ଉଦ୍ଧିଷ୍ଟ ସିଟରେ କେବଳ ମହିଳା ଯାତ୍ରୀ ହିଁ ବସି ଯାତ୍ରା କରିପାରିବେ । ଯଦି କୌଣସି ପୁରୁଷ ମହିଳା ଯାତ୍ରୀଙ୍କ ସିଟରେ ବସୁଛନ୍ତି ଏଣିକି ସାବାଧାନ । କାରଣ ଏନେଇ ପୁରୁଷଙ୍କୁ ଗଣିବାକୁ ପଡିବ ଫାଇନ । ତେବେ ଏନେଇ ପୋଲିସ କମିଶନରେଟ ଏବଂ କ୍ୟାପିଟାଲ ରିଜିୟନ ଅର୍ବାନ ଟ୍ରାନ୍ସପୋର୍ଟ କ୍ରୁଟ ପକ୍ଷରୁ ଘୋଷଣା କରାଯାଇଛି।
ଏପଟେ ସରକାରଙ୍କ ଏହି ନିଷ୍ପତ୍ତିକୁ ସ୍ବାଗତ କରିଛନ୍ତି ମହିଳାମାନେ। କିଛି ପୁରୁଷ ଯାତ୍ରୀଙ୍କ ପ୍ରତିକ୍ରିୟା ଅନୁଯାୟୀ ସରକାର କେବଳ ମହିଳାଙ୍କ ପାଇଁ ଏଭଳି ସୁବିଧା କଲେ ହେବନି ପୁରୁଷ ମାନଙ୍କ ପାଇଁ ମଧ୍ୟ କିଛି କରିବା ଆବଶ୍ୟକ ଅଛି ବୋଲି କହିଛନ୍ତି।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
