ଭୁବନେଶ୍ବର: ବିଧାୟକଙ୍କୁ ଲୋକାୟୁକ୍ତଙ୍କ କ୍ଲିନଚିଟ୍ । ଗତ ବନ୍ୟାରେ ଯାଜପୁର ଜିଲ୍ଳା ଧର୍ମଶାଳା କେଳୁଆ ନଦୀବନ୍ଧ ଠାରେ ରମାପୁର ଘାଇ ମନୁଷ୍ୟକୃତ ଭାବେ କାର୍ଯ୍ୟ ହୋଇଥିବା ଅଭିଯୋଗରେ ବିଧାୟକ ପ୍ରଣବ ବଳବନ୍ତରାୟଙ୍କୁ ଳୋକାୟୁକ୍ତଙ୍କ କ୍ଲିନଚିଟ ପ୍ରସଙ୍ଗ । ଲୋକାୟୁକ୍ତଙ୍କ ରାୟକୁ ଚାଲେଞ୍ଜ କରି ହାଇକୋର୍ଟ ଯିବେ ସୂଚନା ଅଧିକାର କର୍ମୀ ସର୍ବେଶ୍ଵର ବେହେରା । ମାମଲାର ଭିଜିଲାନ୍ସ ତଦନ୍ତ ନେଇ ନିର୍ଦ୍ଦେଶ ଦେଇଥିଲେ ଲୋକାୟୁକ୍ତ ।
ଭିଜିଲାନ୍ସଙ୍କ ତଦନ୍ତ ରିପୋର୍ଟ ଆଧାରରେ ବିଧାୟକ ଏବଂ ଅନ୍ୟ ସରକାରୀ ଅଧିକାରୀଙ୍କୁ କ୍ଲିନଚିଟ ଦେଇଛନ୍ତି ଲୋକାୟୁକ୍ତ । ତେବେ ଭିଜିଲାନ୍ସ ତଦନ୍ତ ରିପୋର୍ଟ ଚାପଗ୍ରସ୍ଥ ଏବଂ ଏକପାଖିଆ ବୋଲି ଅଭିଯୋଗ ହୋଇଛି । ଏହାସହ ଭିଜିଲାନ୍ସ ତଦନ୍ତ ରିପୋର୍ଟ ମଧ୍ୟ ଦେଲେ ନାହିଁ । ସେପଟେ ଏହାକୁ ବିରୋଧ କରି ହାଇକୋର୍ଟକୁ ମାମଲା ନେବାକୁ ଦାବୀ ହୋଇଛି । ଜାଣିଶୁଣି ସେଠାରେ ମନୁଷ୍ୟକୃତ ଭାବେ ଘାଇ ସୃଷ୍ଟି କରାଯାଇଥିବା ନେଇ ଳୋକାୟୁକ୍ତଙ୍କ ଦ୍ଵାରସ୍ଥ ହୋଇଥିଲେ ସୂଚନା ଅଧିକାର କର୍ମୀ ସର୍ବେଶ୍ଵର ବେହରା ।
ଯାହାଫଳରେ 4000 ହେକ୍ଟରରୁ ଉର୍ଦ୍ଧ୍ବ ଚାଷ ଜମି ନଷ୍ଟ ହୋଇଥିବା ନେଇ ଅଭିଯୋଗରେ ଦର୍ଶାଯାଇଥିଲା । ଆଉ ଏଥିରେ ସ୍ଥାନୀୟ ବିଧାୟକ ଏବଂ କିଛି ସରକାରୀ ଅଧିକାରୀଙ୍କ ସଂପୃକ୍ତି ନେଇ ଅଭିଯୋଗ ହୋଇଛି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
