ଭୁବନେଶ୍ବର: ଅନୁସୂଚିତ ଜାତି ଓ ଜନଜାତି ଅଧିନରେ ଥିବା ଆବାସିକ ବିଦ୍ୟାଳୟ ଗୁଡିକର ସାମଗ୍ରିକ ମାନ ବୃଦ୍ଧି ସହ ମାନଯୁକ୍ତ ISO କରିବା ନିମନ୍ତେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର 'ମିଶନ ସୁବିଦ୍ୟା' ଯୋଜନା ଲୋକାର୍ପିତ କରିଛନ୍ତି । ଆଜି ଲୋକସେବା ଭବନରେ ଏହି କାର୍ଯ୍ୟକ୍ରମରେ ଏସି, ଏସଟି ବିଭାଗ ଓ କ୍ବାଲିଟି କାଉନସିଲ ଅଫ ଇଣ୍ଡିଆ ସହ ଏକ ବୁଝାମଣା ପତ୍ର ସ୍ଵାକ୍ଷରିତ ହୋଇଛି ।
ରାଜ୍ୟର ଥିବା ଆବାସିକ ବିଦ୍ୟାଳୟ ଗୁଡିକରେ ISO ପ୍ରମାଣ ପତ୍ର ପରିସର ଭୁକ୍ତ କରିବା ପାଇଁ ଯୋଗ୍ୟ ବିବେଚିତଙ୍କୁ ପ୍ରଥମ ପର୍ଯ୍ୟାୟରେ ୧୮୦ଟି ଆବାସିବ ବିଦ୍ୟାଳୟକୁ ଅନ୍ତର୍ଭୁକ୍ତ କରାଯିବ । ଆବାସିବ ବିଦ୍ୟାଳୟରେ ପଢୁଥିବା ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ ଶିକ୍ଷାର ଉନ୍ନତି ପାଇଁ ଅକ୍ଷୟ ଫାଉଣ୍ଡେସନ ସହ ଏକ ବୁଝାବଣା ସ୍ଵାକ୍ଷରିତ ହୋଇଛି ।
ଏହି ଯୋଜନା ମାଧ୍ୟମରେ ୧୫୦୦ ସହ ବିଦ୍ୟାଳୟରେ ପଢୁଥିବା ୨ଲକ୍ଷରୁ ଅଧିକ ଛାତ୍ରଛାତ୍ରୀଙ୍କ ନିମନ୍ତେ ଇଂରାଜୀ ଓ ଗଣିତକୁ ସହଜରେ ବୁଝିବା ପାଇଁ ଡିଜିଟାଲ ଲର୍ଣ୍ଣିଂ ମାଧ୍ୟମରେ ଉପଯୋଗ କରାଯିବ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
