ଭୁବନେଶ୍ବର: ମିସ ଟିନ ଇଣ୍ଡିଆ ୟୁନିଭର୍ସ 2021ରେ କମାଲ କଲେ ଓଡିଆ ଝିଅ । ଏହି ସୁନ୍ଦରୀ ପ୍ରତିଯୋଗିତାରେ ଓଡ଼ିଆ ଝିଅ ପ୍ରିତିକା ଜେନା ପ୍ରଥମ ହୋଇଥିବାବେଳେ ଦ୍ବିତୀୟରେ ରହିଛନ୍ତି ତମନ୍ନା ଦାସ । ଭାଇରସ ଫିଲ୍ମସ ଦ୍ବାରା ଦେଲ୍ଲୀ ପ୍ଲାନ ଗ୍ରୀନ ରିସର୍ଟରେ ଆୟୋଜିତ ହୋଇଥିବା ଏହି ମିସ ଟିନ ଇଣ୍ଡିଆ ୟୁନିଭର୍ସ ପ୍ରତିଯୋଗିତାରେ ଦୁଇ ଓଡ଼ିଆ ଝିଅ ଏହି ବିଜେତା ହୋଇଛନ୍ତି ।
ପ୍ରିତିକା ଭୁବନେଶ୍ବର ୟୁନିଟ-8 ଡିଏଭି ପ୍ଳବିକ ସ୍କୁଲରେ ନବମ ଶ୍ରେଣୀରେ ପଢ଼ୁଥିବାବେଳେ ତମନ୍ନା ଭୁବନେଶ୍ବର ବିଜେଇମ ସ୍କୁଲରେ ଅଷ୍ଟମ ଶ୍ରେଣୀରେ ପଢୁଛନ୍ତି । ୨୦୧୯ ମିସ ଟିନ ଇଣ୍ଡିଆ ୟୁନିଭର୍ସ ବିଜୟିନୀ ଲାବଣ୍ୟା ଦାସଙ୍କ ତତ୍ବାବଧାନରେ ଉଭୟ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ ।
ଏହି ପ୍ରତିଯୋଗିତାରେ ଭାରତର କୋଣ ଅନୁକୋଣରୁ ୭୫ ଜଣ ପ୍ରତିଯୋଗୀ ଅଂଶଗ୍ରହଣ କରିଥିବା ବେଳେ ପ୍ରଥମ ଓ ଦ୍ବିତୀୟ ସ୍ଥାନରେ ଓଡିଶା ଝିଅ ବାଜି ମାରିଛନ୍ତି । ତେଣୁ ଉଭୟ ଓଡିଶା ପାଇଁ ଏହି ସଫଳତା ଆଣି ଗୌରବାନ୍ବିତ କରିଥିବାବେଳେ ଉଭୟ ବେଶ ଖୁସି ଅଛନ୍ତି । ଉଭୟଙ୍କ ବିଜୟର ଯାତ୍ରା କିଭଳି ଥିଲା ତାଙ୍କ ସହ କଥା ହୋଇଛନ୍ତି ଆମ ପ୍ରତିନିଧି ଦେବସ୍ମିତା ରାଉତ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
