ଭୁବନେଶ୍ବର: ବଢିଲା ମଧ୍ୟାହ୍ନ ଭୋଜନ ରାସନ ଦର । ପ୍ରାଥମିକ ସ୍କୁଲ ପାଇଁ ପିଲା ପିଛା 4 ଟଙ୍କା 80 ରୁ 4ଟଙ୍କା 93 ପଇସା ଦରବୃଦ୍ଧି ହୋଇଛି । ସେହିପରି ଉଚ୍ଚ ପ୍ରାଥମିକ ସ୍କୁଲ ଛାତ୍ରଛାତ୍ରୀଙ୍କ ପାଇଁ 7ଟଙ୍କା 16ରୁ 7ଟଙ୍କା 36 ପଇସାକୁ ବୃଦ୍ଧି କରାଯାଇଛି ।
ବଜାରରେ ଦରବୃଦ୍ଧିକୁ ଦୃଷ୍ଟିରେ ରଖି ସରକାର ଏଭଳି ନିଷ୍ପତ୍ତି ନେଇଛନ୍ତି । ଏନେଇ ସବୁ ଜିଲ୍ଲାପାଳଙ୍କ ନିକଟକୁ ଚିଠି ଲେଖିଛନ୍ତି ମଧ୍ୟାହ୍ନ ଭୋଜନ ନୋଡାଲ ଅଫିସର । ଜୁଲାଇ ପହିଲାରୁ ଏହା ଲାଗୁ ହେବ ବୋଲି ଜଣାପଡିଛି । ସୂଚନା ଥାଉକି, ମଧ୍ୟାହ୍ନ ଭୋଜନ ଯୋଜନା ପାଇଁ କେନ୍ଦ୍ର 60 ପ୍ରତିଶତ ଓ ରାଜ୍ୟ 40 ପ୍ରତିଶତ ଅର୍ଥ ଭରଣା କରୁଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
