ଭୁବନେଶ୍ବର: ଜୁଲାଇ ମାସ ଶେଷ ସୁଦ୍ଧା ମାଟ୍ରିକ ଫଳାଫଳ ପ୍ରକାଶ ପାଇବ ବୋଲି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ କହିଛନ୍ତି । ଖାତା ଦେଖା ସରିଥିବା ବେଳେ ଟାବୁଲେସନ ଚାଲିଛି ଓ ଖୁବଶୀଘ୍ର ତାରିଖ ଘୋଷଣା ହେବ ବୋଲି ସେ ଉଲ୍ଲେଖ କରିଛନ୍ତି ।
ଜୁଲାଇ ଶେଷ ସୁଦ୍ଧା ବାହାରିବ ମାଟ୍ରିକ ପରୀକ୍ଷା ଫଳ
ଅନ୍ୟପକ୍ଷରେ ଯୁକ୍ତ ଦୁଇ ମୂଲ୍ୟାୟନ ନେଇ ସମସ୍ୟା ରହୁଥିବା ଗଣଶିକ୍ଷା ମନ୍ତ୍ରୀ ସୂଚନା ଦେଇଛନ୍ତି । 20ଟି ଜିଲ୍ଲାରେ ସଟଡାଉନ କାରଣ ପାଇଁ ଶିକ୍ଷକମାନେ ମୂଲ୍ୟାୟନ କେନ୍ଦ୍ର ଆସି ପାରୁନାହାଁନ୍ତି । ତେଣୁ ଖାତା ଦେଖାରେ ଅସୁବିଧା ସୃଷ୍ଟି ହେଉଛି । ତେବେ ମୁଖ୍ୟ ଶାସନ ସଚିବଙ୍କୁ ପତ୍ର ଲେଖି ଏ ସଂପର୍କରେ ଜଣାଇବାକୁ ସେ କହିଛନ୍ତି । ଏହାଦ୍ବାରା ସେ କିପରି ସଠିକ ଭାବେ ମୂଲ୍ୟାୟନ ହୋଇପାରିବ ଜିଲ୍ଲାପାଳମାନଙ୍କୁ ଅବଗତ କରାଇବେ ବୋଲି ଗଣଶିକ୍ଷା ମନ୍ତ୍ରୀ କହିଛନ୍ତି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
