ଭୁବନେଶ୍ବର: ନୟାପଲ୍ଲୀ ଥାନା ଅନ୍ତର୍ଗତ ଅକ୍ଷୟ ମାଝୀ ପ୍ରଚୁର ନିଶା ସେବନ କରୁଥିଲେ । ଫଳରେ ପରିବାର ଲୋକେ ବୁଧବାର କଳିଙ୍ଗ ବିହାରରେ ଥିବା ଏକ କମ୍ୟୁନିଟି ଫାଉଣ୍ଡେସନ ଅଫ ଇଣ୍ଡିଆ ନାମକ ଏକ ନିଶା ନିବାରଣ କେନ୍ଦ୍ରରେ ଛାଡିଥିଲେ ।
ସେଠାରେ ଦୁଇଦିନ ରହିବା ପରେ ଶୁକ୍ରବାର ତାଙ୍କୁ ଅଚେତ ଅବସ୍ଥାରେ ଦେଖିଥିଲେ ନିଶା ନିବାରଣ କେନ୍ଦ୍ରର କର୍ମଚାରୀ । ପାଖକୁ ଯାଇ ଦେଖିଲା ବେଳକୁ ତାଙ୍କ ଦେହରେ ଜୀବନ ନଥିଲା । ମୃତକଙ୍କ ହାତ ଗୋଡ ରେ ଚିହ୍ନ ଥିବା ବେଳେ ଛାତିରେ ମାଡ଼ ମରା ଯାଇଥିବା ଚିହ୍ନ ରହିଥିବା ଦେଖିବାକୁ ମିଳିଥିଲା । ଫଳରେ ମୃତକଙ୍କ ପରିବାର ଓ ସ୍ଥାନୀୟ ଲୋକେ ମୃତଦେହ ରଖି ରାସ୍ତା ଅବରୋଧ କରିଥିଲେ । ଏସପି ଓ ନୟାପଲ୍ଲୀ ଥାନା ଆଇଆଇସି ଆସି ସେମାନଙ୍କୁ ବୁଝାସୁଝା କରିବା ପରେ ରାସ୍ତା ଅବରୋଧ ହଟିଛି ।
ଅକ୍ଷୟଙ୍କୁ ନିଶା ନିବାରଣ କେନ୍ଦ୍ରରେ ପିଟି ପିଟି ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି ପରିବାର ଲୋକ । ଅଭିଯୋଗକୁ ଭିତ୍ତି କରି ପୋଲିସ ଏକ ହତ୍ୟା ମାମଲା ରୁଜୁ କରିବା ସହ ତଦନ୍ତ ଜାରି ରଖିଛି । କେଉଁ କାରଣରୁ ମୃତ୍ୟୁ ଘଟିଛି ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ଘଟଣାର ସତ୍ୟାସତ୍ୟ ଜଣାପଡିବ ବୋଲି ପୋଲିସ କମିଶନର ସୁଧାଂଶୁ ଷଡଙ୍ଗୀ ସୂଚନା ଦେଇଛନ୍ତି । ସେପଟେ ଦୋଷୀକୁ ଗିରଫ ଜିଦ୍ ରେ ଅଟଳ ପରିବାର ।
ଭୁବନେଶ୍ବର ରୁ ବିକାଶ ଦାସ ଇଟିଭି ଭାରତ
