ଭୁବନେଶ୍ବର: ଗୁଳି ଫୁଟାଇ ରାଜଧାନୀରେ ଏକ ସୁନା ଦୋକାନରୁ ଲୁଟ କରିଛନ୍ତି ଦୁର୍ବୃତ୍ତ । ଭୁବନେଶ୍ବରର ଇନଫୋଭ୍ୟାଲି ଥାନା ଅଞ୍ଚଳରେ ଥିବା ସାଗରିକା ଜୁଏଲାରୀରୁ ଆଜି ଏହି ଲୁଟପାଟ ହୋଇଛି । ଗହଣା ଲୁଟ ପରେ ଚମ୍ପଟ ମାରିଛନ୍ତି ଦୁର୍ବୃତ୍ତ । ଏନେଇ ଖବର ପାଇବା ପରେ ପୋଲିସର ୧୦ଟି ଟିମ ଲୁଟେରାଙ୍କୁ ଧରିବା ପାଇଁ ତାଙ୍କ ପଛରେ ଗୋଡାଉଛି ।
ଗୁଳି ଫୁଟାଇ ସୁନା ଦୋକାନରୁ ଲୁଟ୍, ଲୁଟେରା ପଛରେ ୧୦ଟି ପୋଲିସ ଟିମ
ସ୍ଥାନୀୟ ଲୋକଙ୍କ କହିବାନୁଯାୟୀ, ଦୁର୍ବୃତ୍ତମାନେ ଲୁଟ୍ କରିବା ପରେ ମଳିପଡା ଗେଟ୍ ଦେଇ ଲାଲ୍ ରଙ୍ଗର ବାଇକରେ ଛୁ ମାରିଛନ୍ତି । ବାଟରେ ଗାଡିରୁ ତେଲ ସରିଯିବାରୁ ବନ୍ଧୁକ ମୁନରେ ଆଉ ଜଣେ ଲୋକଙ୍କୁ ଡରାଇ ତାଙ୍କ ଠାରୁ ଗାଡି ନେଇ ପଳାଇଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ତନାଘନା ଚଳାଇଛି । ସିସିଟିଭି ଯାଞ୍ଚ କରିବା ସହ ପଚରାଉଚରା କରୁଛି । ଲୁଟେରାମାନଙ୍କୁ ଧରିବା ପାଇଁ ପୋଲିସ ମଧ୍ୟ ତାଙ୍କ ପଛରେ ଗୋଡାଇଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
