ଭୁବନେଶ୍ବର: ଚୋରା ବାଇକ କିମ୍ବା ସେକେଣ୍ଡ ହ୍ୟାଣ୍ଡ କିଣୁଥିଲେ ସାବଧାନ । କେତେବେଳେ ବି ଆପଣଙ୍କୁ ବାନ୍ଧି ନେବ ପୋଲିସ । କାରଣ ଖଣ୍ଡଗିରି ପୋଲିସ ହାତରେ ଧରା ପଡିଛନ୍ତି ଏଭଳି ଏକ ହାଇଟେକ୍ ବାଇକ ଲୁଟେରା ଗ୍ୟାଙ୍ଗ ।ଗ୍ୟାଙ୍ଗର 2 ଅଭିଯୁକ୍ତ ସହ 3ଗ୍ରାହକଙ୍କୁ ଗିରଫ କରିଛି ପୋଲିସ । ସେମାନଙ୍କ ଠାରୁ 24ଟି ବାଇକ ଜବତ ହୋଇଛି ।
ଏମାନେ କମ୍ ଦାମରେ ଭଲ ବାଇକ କିଣିବା ନିଶାରେ ଚୋରା ବାଇକ କିଣି ପୋଲିସ ହାତରେ ଧରାପଡିଛନ୍ତି । ଏହି ଚୋରି ରାକେଟ ପଛରେ ଥିବା ମାଷ୍ଟରମାଇଣ୍ଡ ପତିତପାବନ ସିଂ ମଧ୍ୟ ଧରାପଡିଛି । ସେ ରାଜଧାନୀର ବିଭିନ୍ନ ସ୍ଥାନରୁ ମାଷ୍ଟର କି ଜରିଆରେ ବାଇକ ଚୋରି କରି ନୟାଗଡରେ ଏକ ଗ୍ଯାରେଜରେ ଦେଉଥିଲା।
ସେଠାରୁ ଗାଡି ରିମଡୈଲିଂ ହୋଇ ବଜାରରେ କମ ଦରରେ ବିକ୍ରି ହେଉଥିଲା। ଏପରିକି ଗାଡିର ରଙ୍ଗ ଓ ଡିଜାଇନ ବଦଳିବା ଯୋଗୁଁ ଧରାପଡିବାର ଭୟ ନଥିବା ଦେଖାଇ ବିକ୍ରି କରାଯାଉଥିଲା। ଅନେକ କ୍ଷେତ୍ରରେ ଗାଡିର ଡିକିରେ ଥିବା କାଗଜ ପତ୍ରର ନକଲି କରି ସେକେଣ୍ଡ ହାଣ୍ଡ ଦରରେ ବିକ୍ରି କରାଯାଉଥିଲା। ଶେଷରେ ଏହି ଗ୍ୟାଙ୍ଗକୁ ଧରିଛି ପୋଲିସ ।
ଭୁବନେଶ୍ବର ତାପସ ପରିଡା, ଇଟିଭି ଭାରତ
