ଭୁବନେଶ୍ବର: କୋରୋନା ନେଇଛି ପୁଣି ଜଣେ ସାମ୍ବାଦିକାଙ୍କ ଜୀବନ । ସୋଆ ରେଡିଓରେ କାର୍ଯ୍ୟରତ ସବନମ ସରିନଙ୍କର କୋରୋନାରେ ଦେହାନ୍ତ ହୋଇଛି । ସେ ଦୀର୍ଘ ଦିନ ଧରି କରୋନାରେ ସଂକ୍ରମିତ ଥିଲେ । ମୃତ୍ୟୁ ବେଳକୁ ତାଙ୍କୁ ମାତ୍ର ୩୮ ବର୍ଷ ହୋଇଥିଲା ।
କୋରୋନାରେ ସଂକ୍ରମିତ ପରେ ସେ ଭୁବନେଶ୍ବର ଏମସରେ ଚିକିତ୍ସିତ ହେଉଥିଲେ । ତେବେ ତାଙ୍କ ସ୍ବାସ୍ଥ୍ୟାବସ୍ଥାରେ କୌଣସି ସୁଧାର ହୋଇନଥିଲା । ମଙ୍ଗଳବାର ତାଙ୍କର ଦେହାନ୍ତ ହୋଇଛି । ସୋଆ ରେଡିଓ ସହ ସେ ବିଭିନ୍ନ ଆଞ୍ଚଳିକ ଗଣମାଧ୍ୟମରେ ମଧ୍ୟ କାର୍ଯ୍ୟ କରିଛନ୍ତି । ସରିନଙ୍କ ମୃତ୍ୟୁରେ ବିଭିନ୍ନ ମହଲରୁ ଶୋକ ପ୍ରକାଶ ପାଇଛି ।
ସବନମ ସରିନ ରମାଦେବୀ ମହିଳା ମହାବିଦ୍ୟାଳୟରୁ ଯୁକ୍ତ ଦୁଇ ପାସ୍ କରିଥିଲେ । ଏହାପରେ ସେ ଉଦ୍ଭିଦ ବିଜ୍ଞାନରେ ସ୍ନାତକ ପାସ କରିଥିଲେ । IGNOUରୁ ସେ ଜର୍ଣ୍ଣାଲିଜିମ କରିଥିଲେ । ସେ କେବଳ ଜଣେ ଦକ୍ଷ ସାମ୍ବାଦିକା ନହେଁ ଭଲ ମଣିଷଟିଏ ଥିଲେ । ଏଭଳି ଜଣେ ଦକ୍ଷ ସାମ୍ବାଦିକାଙ୍କୁ ହରାଇବା ସାମ୍ବାଦିକ ଜଗତର ଏକ ବିରାଟ କ୍ଷତି ।
ଏହାପୂର୍ବରୁ ମଧ୍ୟ ରାଜ୍ୟରେ ବହୁ ସାମ୍ବାଦିକଙ୍କ କୋରୋନାରେ ମୃତ୍ୟୁ ହୋଇଛି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
