ଭୁବନେଶ୍ବର: ରାଜ୍ୟରେ ଟୀକାକରଣକୁ ଅଧିକ ଗୁରୁତ୍ୱ ଦିଆଯାଉଛି। ରାଜ୍ୟରେ ବହୁ ପରିମାଣରେ ଟିକା ଗଚ୍ଛିତ ରହିଛି। କେବଳ ଲୋକମାନେ ମନେ ପକାଇ ଆସିବେ ଟିକା ନେବା ପାଇଁ। ହେଲେ ଅଧିକାଂଶ ଲୋକେ ଟିକା ନେବାକୁ ଆସୁନଥିବା ନଜରକୁ ଆସିଛି। ଗତକାଲି(ବୁଧବାର) କେନ୍ଦ୍ର ସହ ଏକ ବୈଠକରେ ରାଜ୍ୟରେ ଦୈନିକ ୪ ଲକ୍ଷ ଟୀକାକରଣ ଦିଆଯିବ ବୋଲି ଲକ୍ଷ୍ୟ ରଖାଯାଇଛି । ଏବେବି ଦ୍ୱିତୀୟ ଡୋଜ ପାଖାପାଖି ୨୪ ଲକ୍ଷ ଲୋକ ନେଇନାହାନ୍ତି ।
୨ୟ ଡୋଜ ଟିକାକୁ ଗୁରୁତ୍ବ, ଦୈନିକ ୪ ଲକ୍ଷ ଟୀକାକାରଣ କରିବାକୁ ଲକ୍ଷ୍ୟ
ବର୍ତ୍ତମାନ ରାଜ୍ୟରେ ଅପରାହ୍ନ ୪ଟା ସୁଦ୍ଧା ୩ କୋଟି ୬୬ ଲକ୍ଷ ୨୮ ହଜାର ୧୮୦ ଜଣ ଟିକା ନେଇଛନ୍ତି। ତେବେ ପ୍ରଥମ ଡୋଜ ନେଇଛନ୍ତି ୨ କୋଟି ୫୪ ଲକ୍ଷ ୫୦ ହଜାର ୩୭୭ ଓ ଦ୍ୱିତୀୟ ଡୋଜ ନେଇଛନ୍ତି ୧ କୋଟି ୧୧ ଲକ୍ଷ ୭୭ ହଜାର ୮୦୪ । ଆଜି ରାଜ୍ୟରେ ୧୯୧୦ଟି ଟୀକାକରଣ କେନ୍ଦ୍ରରେ ଟୀକାକରଣ କରାଯାଉଛି । କୋଭିସିଲଡ଼ ୩ କୋଟି ୨୦ ଲକ୍ଷ ୮୬ ହଜାର ୧୧୩ ଜଣ ନେଇଥିବାବେଳେ କୋଭାକ୍ସିନ ନେଇଛନ୍ତି ୪୫ ଲକ୍ଷ ୩୬ ହଜାର ୨୦୩ ଜଣ ଟିକା ନେଇଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
