ଭୁବନେଶ୍ବର: ରାଜ୍ୟରେ ଆଇଏଏସ ସ୍ତରରେ ସୋମବାର ଅଦଳବଦଳ କରିଛନ୍ତି ରାଜ୍ୟ ସରକାର । ଏହି କ୍ରମରେ ଖୋର୍ଦ୍ଧା ଜିଲ୍ଲାପାଳ ଭାବରେ ନିଯୁକ୍ତି ପାଇଛନ୍ତି ସନତ କୁମାର ମହାନ୍ତି । ପୂର୍ବରୁ ସେ ଏସସି ଓ ଏସଟି ବିଭାଗର ଅତିରିକ୍ତ ସଚିବ ଭାବେ ଦାୟିତ୍ବରେ ରହିଥିଲେ । ସେହିଭଳି 2018 ବ୍ୟାଚ ଆଇଏଏସ କୀର୍ତ୍ତି ଭାସନ ଭିଙ୍କୁ ମିଳିଛି ଗଞ୍ଜାମ ଜିଲ୍ଲାର କୋଭିଡ ପରିଚାଳନା ଦାୟିତ୍ବ ।
ସମାନ ଭାବେ 2018 ବ୍ୟାଚ ଆଇଏଏସ ଶୁଭଙ୍କର ମହାପାତ୍ର ଟ୍ରେନିଂ ପାଇବା ପରେ ତାଙ୍କୁ କନ୍ଧମାଳ ଜିଲ୍ଲାର ବାଲିଗୁଡା ସବ୍ କଲେକ୍ଟର ଭାବେ ନିଯୁକ୍ତି ଦିଆଯାଇଛି । 2018 ବ୍ୟାଚ ଆଇଏଏସ ସୂର୍ଯ୍ୟବଂଶୀ ମୟୂର ବିକାଶଙ୍କୁ ସମ୍ବଲପୁର ସବ୍ କଲେକ୍ଟର ଭାବରେ ନିଯୁକ୍ତି ଦିଆଯାଇଛି । ଅନ୍ୟପଟେ 2018 ବ୍ୟାଚ ଆଇଏଏସ ଜେ ସୋନାଲଙ୍କୁ ଗଜପତି ଜିଲ୍ଲା କୋଭିଡ ପରିଚାଳନା ଦାୟିତ୍ବ ଦିଆଯାଇଥିବା ଜଣା ପଡିଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
