ସିଏଏ ସପକ୍ଷରେ ହିନ୍ଦୁ ଜାଗରଣ ମଞ୍ଚର ଶୋଭାଯାତ୍ରା

ସିଏଏ ସପକ୍ଷରେ ରାଜଧାନୀରେ ହିନ୍ଦୁ ଜାଗରଣ ମଞ୍ଚ ପକ୍ଷରୁ ଏକ ଶୋଭାଯାତ୍ରା କରାଯାଇଛି । ଏହା ସହିତ ରାଜ୍ୟ ତଥା ଦେଶର ସମସ୍ତ ରାଜ୍ୟରେ NRC ଲାଗୁ କରିବା ନେଇ ମଞ୍ଚ ପକ୍ଷରୁ ଦାବି କରାଯାଇଛି ।

ଭୁବନେଶ୍ବର: ଦେଶରେ କେନ୍ଦ୍ର ସରକାରଙ୍କ ଦ୍ଵାରା ପ୍ରଣୀତ ଆଇନ CAAକୁ ବିରୋଧ କରି ବିଭିନ୍ନ ପ୍ରକାର ହିଂସାକାଣ୍ଡ ଘଟି ଚାଲିଛି । ଏହି ସମୟରେ ଏହା ସପକ୍ଷରେ ମଧ୍ୟ ଅନେକ ସଂଗଠନ ପକ୍ଷରୁ ଶୋଭାଯାତ୍ରା ହେଉଥିବା ବେଳେ ଶୁକ୍ରବାର ରାଜଧାନୀରେ ଏହି ଆଇନ ଦ୍ବାରା କୌଣସି ପ୍ରକାର ସମ୍ପ୍ରଦାୟର ଲୋକମାନଙ୍କ କ୍ଷତି ହେବ ନାହିଁ କି ସେମାନେ ଏନେଇ ଭୟଭୀତ ନହେବାକୁ ହିନ୍ଦୁ ଜାଗରଣ ମଞ୍ଚର ସଂଯୋଜକ ସିମନ୍ତ କୁମାର ଘଡେଇ ପ୍ରକାଶ କରିଛନ୍ତି ।

ଏହା ସହିତ ରାଜ୍ୟ ତଥା ଦେଶର ସମସ୍ତ ରାଜ୍ୟରେ NRC ଲାଗୁ କରିବା ନେଇ ମଞ୍ଚ ପକ୍ଷରୁ ଦାବି କରାଯାଇଛି । ସାଧାରଣ ଲୋକମାନେ ଏହି ଆଇନ ବିଷୟରେ ନଜାଣି ଅନ୍ଧ ଭାବେ ଦେଶ ବିରୋଧୀଙ୍କ ପ୍ରରୋଚନାରେ ନ ଆସି ଦେଶର ସମ୍ପତ୍ତି ନଷ୍ଟ ନ କରିବାକୁ କୁହାଯାଇଛି ।

ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ