ଭୁବନେଶ୍ବର: ଭୁବନେଶ୍ବରରେ ହେବାକୁ ଯାଉଛି ଦୁଇ ଦିନିଆ ପୂର୍ବାଞ୍ଚଳ ଗ୍ୟାଷ୍ଟ୍ରୋକନ ସମ୍ମିଳନୀ। ଯେଉଁଥିରେ ସାରା ଦେଶରୁ 30 ଜଣ ବିଶେଷଜ୍ଞ ଯୋଗ ଦେଇ ଏଥିରେ ଭାଗ ନେଉଥିବା ଡାକ୍ତର, ଫିଜିସିଆନ, ଟେକ୍ନିସିଆନ ଓ ପ୍ରାକ୍ଟିସନରମାନଙ୍କୁ ନୂଆ ଟେକ୍ନୋଲୋଜି ବିଷୟରେ ଟ୍ରେନିଂ ଦେବେ। ଏନେଇ ବୁଧବାର ଏକ ସାମ୍ବାଦିକ ସମ୍ମିଳନୀରେ ଡ଼ଃ ମନୋଜ ସାହୁ ସୂଚନା ଦେଇଛନ୍ତି ।
ତେବେ ସେପ୍ଟେମ୍ବର27 ଏବଂ 28ରେ ହେବାକୁ ଥିବା ଏହି ସମ୍ମୀଳନିର ମୂଳ ଲକ୍ଷ୍ୟ ରହିଛି, ମୁଖ୍ୟତଃ ପୂର୍ବାଞ୍ଚଳ ରାଜ୍ୟ ସମୂହର ଡାକ୍ତରମାନଙ୍କୁ ପେଟ ରୋଗ ତଥା ଲିଭର, ଗଲ ବ୍ଲଡର, ପାନ କ୍ରିଆଜ, ଏସିଡ ଆଦି ପାଇଁ ଆସୁଥିବା ନୂଆ ଟେକ୍ନୋଲୋଜି ସମ୍ପର୍କରେ ଜଣାଇବା ସହ ସେମାନଙ୍କୁ ଟ୍ରେନିଙ୍ଗ ଦେବା । ଫଳରେ ଯାହାକୁ ସେମାନେ ସେମାନଙ୍କ ରାଜ୍ୟରେ ରୋଗୀ ସେବାରେ ବ୍ୟବହାର କରି ଉତ୍ତମ ଚିକିତ୍ସା ଦେଇ ପାରିବେ ।
ଏଥିରେ ପଶ୍ଚିମବଙ୍ଗ, ବିହାର, ଝାରଖଣ୍ଡ, ଆନ୍ଧ୍ର ପ୍ରଦେଶ, ତେଲେଙ୍ଗାନା ପ୍ରଭୃତି ରାଜ୍ୟରୁ ପ୍ରାୟ 300-400 ଡାକ୍ତର ଅଂଶଗ୍ରହଣ କରିବେ। ମେ ଫେୟାର ଠାରେ ଅନୁଷ୍ଠିତ ହେବାକୁ ଥିବା ଏହି ସମ୍ମିଳନୀକୁ ସ୍ବାସ୍ଥ୍ୟମନ୍ତ୍ରୀ ନବ କିଶୋର ଦାସ ଉଦଘାଟନ କରିବେ ବୋଲି ଡ଼ଃ ସାହୁ ପ୍ରକାଶ କରିଛନ୍ତି।
ଆଜିର ଏହି ସାମ୍ବାଦିକ ସମ୍ମୀଳନିରେ ଅନ୍ୟତମ ଆୟୋଜକ କମିଟିର ସଦସ୍ୟ ଭାବେ ଡ଼ଃ ସୁଶାନ୍ତ ସେଠୀ ଯୋଗ ଦେଇଥିଲେ ।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଈଟିଭି ଭାରତ
