ଭୁବନେଶ୍ବର: ନିର୍ଦ୍ଧାରିତ ସମୟରେ ପ୍ରଭୁ ଲିଙ୍ଗରାଜଙ୍କ ପହଣ୍ଡି ଆରମ୍ଭ ହେଲା । ଦୋଳ ଗୋବିନ୍ଦ ରୁକ୍ମିଣୀ ଲିଙ୍ଗରାଜଙ୍କ ଚଳନ୍ତି ପ୍ରତିମାକୁ ସେବାୟତମାନେ ପହଣ୍ଡି କରି ରଥକୁ ଆଣିଛନ୍ତି । ବିଧି ଅନୁଯାୟୀ ରଥର 4 ପାର୍ଶ୍ବରେ 3 ଘେରା ବୁଲିବା ପରେ ରଥ ଉପରକୁ ବିଜେ କରିଛନ୍ତି ପ୍ରଭୁ ଲିଙ୍ଗରାଜଙ୍କ ଚଳନ୍ତି ପ୍ରତିମା ।
ପ୍ରଭୁ ଲିଙ୍ଗରାଜଙ୍କ ରୁକୁଣା ରଥ ପହଣ୍ଡି ସମ୍ପନ୍ନ
ପାଳିଆ ସେବାୟତ ପ୍ରଭୁଙ୍କ ଚଳନ୍ତି ପ୍ରତିମାକୁ ବଡ ଆନନ୍ଦ ସହକାରେ ରଥ ଉପରକୁ ବିରାଜମାନ କରିଛନ୍ତି । ଲିଙ୍ଗରାଜଙ୍କ ସହିତ ଏକା ସାଙ୍ଗରେ ପହଣ୍ଡି ସମ୍ପନ୍ନ ହୋଇଛି । ତେବେ ଗତ ବର୍ଷ କୋରୋନା କାରଣରୁ ରୁକୁଣା ରଥ ଗଡି ନ ଥିବାବେଳେ ଏଥର କୋଭିଡ କଟକଣା ମଧ୍ୟରେ ଅଳ୍ପସଂଖ୍ୟକ ସେବାୟତଙ୍କୁ ନେଇ ପହଣ୍ଡି ଯାତ୍ରା ସମ୍ପନ୍ନ ହୋଇଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
