ଭୁବନେଶ୍ବର: ବାହାରିନରେ ଥିବା ଓଡ଼ିଆ ସମାଜର ସଦସ୍ୟମାନେ ରୀତି ନୀତି ଏବଂ ହର୍ଷ ଉଲ୍ଲାସ ସହ ମାଲକିଯା ବୀଚରେ ଣ୍ରୀଗଣେଶଙ୍କ ମୂର୍ତ୍ତି ବିସର୍ଜନ କରିଛନ୍ତି । ସମସ୍ତେ ଏକାଠୁ ହୋଇ ପ୍ରଭୁଙ୍କ ଆଳତୀ କରି ମଙ୍ଗଳକାମନା କରିଛନ୍ତି । ଏଥିସହ କୋଭିଡ ମହାମାରୀ କିପରି ଦୁନିଆରୁ ଲୋପ ହୋଇଯିବ ସେଥିପାଇଁ ମଧ୍ୟ କାମନା କରିଛନ୍ତି ।
ବାହାରିନରେ ଗଣେଶଙ୍କୁ ବିଦାୟ ଦେଲେ ଓଡିଆ ସମାଜ
ସବୁଠୁ ବଡ କଥା ହେଉଛିକି ବାହାରିନରେ ଥିବା ଓଡିଆ ଶ୍ରମିକମାନେ ପ୍ରଭୁଙ୍କୁ ମାସ୍କ ପିନ୍ଧାଇ ବିଦାୟ ଦେଇଛନ୍ତି । ସମସ୍ତଙ୍କ ଜୀବନ ପୁର୍ବ ଭଳି ସ୍ୱାଭାବିକ ହେଉ । ଭବିଷ୍ୟତରେ କାହାକୁ ଯେମିତି ମାସ୍କ ପିନ୍ଧିବାକୁ ନପଡୁ ସେଥିପାଇଁ ଏପରି କରିଛନ୍ତି । ବାହାରିନ ଓଡ଼ିଆ ସମାଜ ପ୍ରତିଷ୍ଠାତା ଅରୁଣ ପ୍ରହରାଜଙ୍କ ବାସଭବନରେ ଶ୍ରୀଗଣେଶଙ୍କ ପୂଜା କରାଯାଇଥିଲା । ଭକ୍ତଗଣ ସବୁଦିନ ସନ୍ଧ୍ୟାରେ ବସି ଆରତି ଏବଂ ଭଜନ କୀର୍ତ୍ତନ କରୁଥିଲେ । ସମୂଦ୍ରରେ ବିସର୍ଜନ ପରେ ସଦସ୍ୟ ଗଣ ସେଠାରେ ପ୍ରସାଦ ଗ୍ରହଣ କରି ନିଜ ନିଜ ଘରକୁ ଫେରିଛନ୍ତି ।
