ଭୁବନେଶ୍ବର: ପୁରୀ ଏବଂ ଭୁବନେଶ୍ୱରରୁ ଲୋକମାନ୍ୟ ତିଳକ ଟର୍ମିନାଲ ଯିବାକୁ ଥିବା ବିଶେଷ ଟ୍ରେନ ବାତିଲ। ବିଶାଖାପାଟଣାରୁ କଡପା ଏବଂ ଲିଙ୍ଗମପଲ୍ଲୀ ଯିବାକୁ ଥିବା ବିଶେଷ ଟ୍ରେନ୍ ବାତିଲ।
କୋଭିଡ-୧୯ ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ପୂର୍ବତଟ ରେଳପଥ ପରିସୀମା ମଧ୍ୟରୁ ଛାଡୁଥିବା ଚାରି ଯୋଡ଼ା ବିଶେଷ ଏକ୍ସପ୍ରେସ ଟ୍ରେନକୁ ଉଭୟ ପାର୍ଶ୍ୱରୁ ବାତିଲ କରିବାକୁ ନିଷ୍ପତ୍ତି ନିଆଯାଇଛି। ଏହି ବିଶେଷ ଟ୍ରେନ ମେ ମାସ ଶେଷ ପର୍ଯ୍ୟନ୍ତ ବାତିଲ୍ ରହିବ।
02866/02865 ପୁରୀ-ଏଲଟିଟି-ପୁରୀ ସାପ୍ତାହିକ ସ୍ୱତନ୍ତ୍ର ଏକ୍ସପ୍ରେସ ପୁରୀ ଠାରୁ ମେ 18 ଏବଂ 25 ତାରିଖ ଦିନ ଏବଂ ଏଲଟିଟିରୁ ମେ ମାସ 20 ଏବଂ 27 ତାରିଖ ଦିନ ବାତିଲ ରହିବ। 02880/02879 ଭୁବନେଶ୍ୱର-ଏଲଟିଟି-ଭୁବନେଶ୍ୱର ଦ୍ବି-ସାପ୍ତାହିକ ବିଶେଷ ଏକ୍ସପ୍ରେସ ଭୁବନେଶ୍ୱର ଠାରୁ ମେ 17, 20, 24 ଏବଂ 27 ତାରିଖ ଦିନ ଏବଂ ଏଲଟିଟିରୁ ମେ ମାସ 19, 22, 26 ଏବଂ 29 ତାରିଖ ଦିନ ବାତିଲ ରହିବ।
07488/07487 ବିଶାଖାପାଟନମ୍-କଡ଼ପା-ବିଶାଖାପାଟନମ୍ ଦୈନନ୍ଦିନ ଚଳାଚଳ କରୁଥିବା ବିଶେଷ ଟ୍ରେନ ବିଶାଖାପାଟନମ୍ରୁ ମେ ମାସ 14 ରୁ 31 ତାରିଖ ମଧ୍ୟରେ ଏବଂ କଡ଼ପା ଠାରୁ ମେ ମାସ 15 ତାରିଖରୁ ଜୁନ ମାସ ପହିଲା ମଧ୍ୟରେ ବାତିଲ୍ ରହିବ ।
02831/02832 ବିଶାଖାପାଟନମ୍- ଲିଙ୍ଗମପଲ୍ଲୀ- ବିଶାଖାପାଟନମ୍ ଦୈନନ୍ଦିନ ଚଳାଚଳ କରୁଥିବା ବିଶେଷ ଟ୍ରେନ ବିଶାଖାପାଟନମ୍ ଠାରୁ ମେ ମାସ 14 ରୁ 31 ତାରିଖ ମଧ୍ୟରେ ଏବଂ ଏବଂ ଲିଙ୍ଗମପଲ୍ଲୀ ମେ ମାସ 15 ତାରିଖରୁ ଜୁନ ମାସ ପହିଲା ମଧ୍ୟରେ ବାତିଲ୍ ରହିବ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
