ଭୁବନେଶ୍ବର: ରାଜଧାନୀର ଆଇଆରସି ଭିଲେଜ ସରକାରୀ ଉଚ୍ଚ ବିଦ୍ୟାଳୟରେ 4ଟି ସ୍ମାର୍ଟ ଶ୍ରେଣୀ ଗୃହର ଉଦଘାଟନ ହୋଇଛି । ମୋ ସ୍କୁଲ ଅଧ୍ୟକ୍ଷା ସୁସ୍ମିତା ବାଗଚୀ ଏହାକୁ ଉଦଘାଟନ କରିଛନ୍ତି । ଏଥିପାଇଁ ସେ ସ୍କୁଲକୁ 2 ଲକ୍ଷ ଟଙ୍କା ପ୍ରଦାନ କରିଥିଲେ ।
ରାଜ୍ୟରେ ମୋ ସ୍କୁଲ ଯୋଜନା ଆରମ୍ଭ ହୋଇଛି। ଏନେଇ ରାଜଧାନୀର ଆଇଆରସି ଭିଲେଜ ସରକାରୀ ଉଚ୍ଚ ବିଦ୍ୟାଳୟରେ ସ୍ମାର୍ଟ ଶ୍ରେଣୀ ଗୃହ ଉଦଘାଟନ କରିଛନ୍ତି ମୋ ସ୍କୁଲ ଅଧ୍ୟକ୍ଷା । ବିଦ୍ୟାଳୟରେ ପାଖାପାଖି 1700 ଛାତ୍ରଛାତ୍ରୀ ଥିବାବେଳେ ଏହି ସ୍ମାର୍ଟ ଶ୍ରେଣୀଗୃହ ସେମାନଙ୍କ ପାଇଁ ସହାୟକ ହେବ ବୋଲି କୁହାଯାଉଛି ।
ସ୍ମାର୍ଟ ଶ୍ରେଣୀଗୃହ ଉଦଘାଟନ ସମୟରେ ଖୋର୍ଦ୍ଧା ଡିଏଓ ଏବଂ ସ୍କୁଲର ପ୍ରଧାନଶିକ୍ଷକଙ୍କ ସହ ସ୍କୁଲର ଅନ୍ୟ ଶିକ୍ଷକ ଓ ଅଧିକାରୀ ମାନେ ଉପସ୍ଥିତ ରହିଥିଲେ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
