ଭୁବନେଶ୍ବର : ବଜେଟ ଅଧିବେଶନର ଦ୍ବିତୀୟ ପର୍ଯ୍ୟାୟର ସପ୍ତମ ଦିନ । ଛଅ ଦିନ ପରେ ଗୃହକାର୍ଯ୍ୟ ସ୍ବାଭାବିକ ହୋଇଛି । ବିଭିନ୍ନ ପ୍ରସଙ୍ଗରେ ଉପରେ ଉତ୍ତର ରଖିଥିଲେ ବିଭାଗୀୟ ମନ୍ତ୍ରୀ । ପ୍ରାକୃତିକ ବିପର୍ଯ୍ୟୟ ମୁକାବିଲା ପାଇଁ ଚତୁର୍ଦ୍ଦଶ ଅର୍ଥ କମିସନ ସୁପାରିଶକୁ କେନ୍ଦ୍ର ସରକାର ଗ୍ରହଣ କରୁନାହାଁନ୍ତି । ଫଳରେ ରାଜ୍ୟ ଉପରେ ଅଯଥା ବୋଝ ପଡୁଛି । ଏନେଇ ଆଜି ପ୍ରଶ୍ନ କାଳରେ ଘମାଘୋଟ ଆଲୋଚନା ହୋଇଛି । ଚତୁର୍ଦ୍ଦଶ ଅର୍ଥ କମିସନ ସୁପାରିଶ କ୍ରମେ ରାଜ୍ୟ ବିପର୍ଯ୍ୟୟ ପ୍ରଶମନ ପାଣ୍ଠିର କେନ୍ଦ୍ରର 90 ଓ ରାଜ୍ୟର 10 ପ୍ରତିଶତ ଅଂଶ ରହିଛି । ହେଲେ 2017ରେ କେନ୍ଦ୍ର ଜିଏସଟି ଲାଗୁ ପରେ କେନ୍ଦ୍ର ସରକାର ଏସଡିଆରଏଫ ଅଂଶ ଧନକୁ 75 ଓ 25 ପ୍ରତିଶତ ନିୟମ କରିଛନ୍ତି। ଏଥିପାଇଁ 2015-16 ଓ 19-20 ଆର୍ଥିକ ବର୍ଷରେ ଏସଡିଆରଏଫ ବାବଦକୁ ରାଜ୍ୟ 620 କୋଟି 50 ଲକ୍ଷ କମ ପାଇଛି ବୋଲି ଗୃହରେ ବିଧାୟକ ଅମର ଶତପଥୀ ଓ ପ୍ରଦୀପ ଅମାତ ପ୍ରଶ୍ନ ଉଠାଇଥିଲେ ।
ଏସଡିଆରଏଫ ବାବଦକୁ ରାଜ୍ୟ ୬୨୦କୋଟି ୫୦ ଲକ୍ଷ କମ ପାଇଛି
