ଭୁବନେଶ୍ବର: କ୍ବାଲାଲାମପୁରରୁ ଭୁବନେଶ୍ବର ଏୟାର ଏସିଆ ବିମାନ ଉଡାଣରେ ହୋଇଛି ପରିବର୍ତ୍ତନ । ବିମାନଟି ଭୁବନେଶ୍ବର ବିମାନ ବନ୍ଦରରେ ରାତି 11.25 ପରିବର୍ତ୍ତେ ରାତି ୯ ଟା ସମୟରେ ପହଞ୍ଚିବ ।
ଏୟାର ଏସିଆ ବିମାନ
ସେହିପରି ରାତି 11.55 ପରିବର୍ତ୍ତେ ୯ ଟା ୩୦ରେ ଭୁବନେଶ୍ବରରୁ କ୍ବାଲାଲାମପୁରକୁ ଯାତ୍ରା କରିବ । ଏହାସହ ଏୟାର ଏସିଆର ପୂର୍ବରୁ କିଛିଦିନ ବନ୍ଦ ଥିବା 4 ବିମାନ ପୁଣି ଚାଲୁ ହେବ । ଏୟାର ଏସିଆର ୪ଟି ବିମାନ ଅକ୍ଟୋବର ୨୭ ତାରିଖରୁ ଉଡାଣ ଆରମ୍ଭ କରିବ ।
ଦୁଇଟି ବିମାନ ବେଙ୍ଗାଲୁରୁ ଓ ଅନ୍ୟ ଦୁଇଟି କୋଲଲାତା, ହାଇଦ୍ରାବାଦ ଯାତ୍ରା କରିବ । ଏହାସହ ଯାତ୍ରୀଙ୍କୁ ଯାତ୍ରା ଆହୁରି ସହଜ କରାଇବ ବୋଲି ବିମାନ ବନ୍ଦର ପକ୍ଷରୁ ଆଶା ରହିଛି ବୋଲି କହିଛନ୍ତି ଭୁବନେଶ୍ବର ବିମାନ ବନ୍ଦର ନିର୍ଦ୍ଦେଶକ ସୁରେଶ ଚନ୍ଦ୍ର ହୋତା ।
ଭୁବନେଶ୍ବରରୁ ବିକାଶ ଦାସ,ଇଟିଭି ଭାରତ
