ଭୁବନେଶ୍ବର: ମାଷ୍ଟରକ୍ୟାଣ୍ଟିନ ସ୍ଥିତ ୟୁକୋ ବ୍ୟାଙ୍କର ମୁଖ୍ୟ ଶାଖାରେ ନିଆଁ ଲାଗିଛି । ଅପରାହ୍ଣ 4 ଟାରେ ଅଗ୍ନିକାଣ୍ଡ ହୋଇଥିବାବେଳେ ନିଆଁର ପ୍ରକୋପ ଧୀରେଧୀରେ ବଢିବାରେ ଲାଗିଥିଲା । ଘଟଣାସ୍ଥଳରେ ଅଗ୍ନୀଶମ ବିଭାଗ ପହଞ୍ଚି ପାଞ୍ଚ ମହଲାରେ ଲାଗିଥିବା ନିଆଁକୁ ଆୟତ୍ତ କରିବାରେ ସକ୍ଷମ ହୋଇଛି ।
ଅଗ୍ନିକାଣ୍ଡର କାରଣ ଜଣାପଡିନାହିଁ । ତେବେ ବ୍ୟାଙ୍କରୁ କିଛି ସିଗାରେଟ ମିଳିଥିବାରୁ କୌଣସି କର୍ମଚାରୀ ନିଶା ସେବନ କରୁଥିବାବେଳେ ନିଆଁ ଲାଗିଥିବାର ସୂଚନା ମିଳିଛି । ତେବେ ଠିକ୍ ସମୟରେ ଅଗ୍ନିଶମ ବିଭାଗ ପହଞ୍ଚି ନିଆଁ ଆୟତ୍ତ କରିବାରୁ ଏକ ବଡ ଧରଣର ଦୁର୍ଘଟଣାକୁ ଏଡାଇ ଦିଆଯାଇପାରିଛି ।
ତେବେ ଘଟଣା ସମ୍ପର୍କରେ ବ୍ୟାଙ୍କର କୌଣସି କର୍ମଚାରୀ ଏପର୍ଯ୍ୟନ୍ତ ମୁହଁ ଖୋଲିନାହାନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
