ଭୁବନେଶ୍ବର: ମନ୍ତ୍ରୀଙ୍କ ପିଏ ପରିଚୟରେ ଲୋକଙ୍କୁ ଠକିବା ଏବଂ ରେଲୱେ ଜିଏମଙ୍କୁ ଧମକ ଦେବା ଅଭିଯୋଗରେ ଆଉ ଜଣେ ଅଭିଯୁକ୍ତ ଗିରଫ । ତଦନ୍ତ କରି ଆଜି(ଶୁକ୍ରବାର) ଦିଲ୍ଲୀରୁ ସମ୍ପୃକ୍ତ ଅଭିଯୁକ୍ତକୁ ଗିରଫ କରିଛି କମିଶନରେଟ ପୋଲିସ । ଏଥିସହ ଅଧିକ ତଦନ୍ତ ଜାରି ରଖିଛି ।
ସୂଚନା ଅନୁଯାୟୀ ଗୋପାଳ ଶତପଥୀ ନାମକ ଜଣେ ବ୍ୟକ୍ତି ଚର୍ଚ୍ଚିତ ପଲିଟିକାଲ ପାର୍ଟିର ନେତାଙ୍କ ପିଏ ବୋଲି ପରିଚୟ ଦେଇ ହେଉଥିଲେ ମାଲେମାଲ୍ । ଲୋକଙ୍କୁ ଧମକ ଦେଇ ଲକ୍ଷାଧିକ ଟଙ୍କା ଲୁଟ୍ କରୁଥିଲେ । ଏଥିସହ ରେଲୱେ ଜିଏମଙ୍କୁ ଟ୍ରାନ୍ସଫର ଧମକ ଦେଇ ଟଙ୍କା ଡିମାଣ୍ଡ କରୁଥିଲେ । ଏନେଇ ଚନ୍ଦ୍ରଶେଖର ପୁର ଥାନାରେ ଅଭିଯୋଗ ହେବା ପରେ ତଦନ୍ତ ଜାରି ରଖିଥିଲା ପୋଲିସ । ପୂର୍ବରୁ ମାମଲାରେ ସମ୍ପୃକ୍ତ ସମର୍ଥ ବିଶ୍ବକର୍ମାଙ୍କୁ ପୋଲିସ ଗାଜିଆବାଦରୁ ଗିରଫ କରିଥିବାବେଳେ ଆଜି ଗୋପାଳ ଶତପଥୀଙ୍କୁ ଦିଲ୍ଲୀରୁ ଗିରଫ କରିଛି ।
ଏହା ମଧ୍ୟ ପଢନ୍ତୁ:- ପୂର୍ବତଟ ରେଲଓ୍ବେ ଜିଏମଙ୍କୁ ଟ୍ରାନ୍ସଫର ଧମକ, ଗାଜିଆବାଦରୁ ଗିରଫ ନକଲି ମିନିଷ୍ଟର ପିଏ
ତେବେ ପୋଲିସ ସମ୍ପୃକ୍ତ ଅଭିଯୁକ୍ତକୁ ଟ୍ରାଞ୍ଜିଟ ରିମାଣ୍ଡରେ ଆଣି ଚନ୍ଦ୍ରଶେଖର ପୁର ଥାନାରେ ପଚରା ଉଚରା କରୁଛି । ଅନ୍ୟପଟେ ମାମଲାରେ ଆଉ କାହା କାହ ହାତ ଅଛି ସେନେଇ ଅଧିକ ତଦନ୍ତ ଜାରି ରଖିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
