ଭୁବନେଶ୍ବର: ନକଲି ଡାକ୍ତର ରମେଶକୁ ନେଇ ତିଆରି ହେବାକୁ ଯାଉଛି ଓ୍ବେବ ସିରିଜ୍ । ମୁମ୍ବାଇର ଏକ ପ୍ରଯୋଜନା ହାଉସ୍ ଏହି ଓ୍ବେବ ସିରିଜ କରିବାକୁ ଆଗ୍ରହ ପ୍ରକାଶ କରିଥିବା ଦେଖିବାକୁ ମିଳିଛି । ୨୫ ରାଣୀର ରାଜା ନକଲି ଡାକ୍ତର କିଭଳି ମହିଳାଙ୍କୁ ପ୍ରେମଜାଲରେ ଫସାଇ ବିବାହ କରୁଥିଲା ? ଏବଂ ପରେ କିପରି ଠକେଇ କରୁଥିଲା ? ଠକେଇରେ ଭଉଣୀ କିପରି ସାଥ୍ ଦେଉଥିଲା ? ଏହି ସବୁ ପ୍ରକାର ତଥ୍ୟ ସହିତ ପ୍ରସ୍ତୁତ ହେବାକୁ ଯାଉଛି ଓ୍ବେବ ସିରିଜ ।
ଏନେଇ କମିସନରେଟ ପୋଲିସକୁ ଭେଟି ଠକ ଡାକ୍ତରର ତଥ୍ୟ ସଂଗ୍ରହ କରିଛନ୍ତି ମୁମ୍ବାଇର ଏକ ପ୍ରଯୋଜନା ସଂସ୍ଥା । ଏନେଇ ଠକ ରିମାଣ୍ଡ ବେଳେ କହିଥିବା ତାର ଠକେଇର ଟିକନିକ ଓ ଠକେଇର କଳା ଚିଠାକୁ ନେଇଛି ପ୍ରଯୋଜକ ସଂସ୍ଥା । ଏନେଇ ତଥ୍ୟ ସଂଗ୍ରହ କରିଛନ୍ତି କମିଶନରେଟ ପୋଲିସର ସ୍ପେଶାଲ ସ୍କ୍ବାଡ ଅଧିକାରୀଙ୍କୁ ଭେଟି ଏନେଇ ଆଲୋଚନା କରିଛନ୍ତି ।
ସେପଟେ ଓଡ଼ିଶା ସମେତ ବିଭିନ୍ନ ରାଜ୍ୟରେ ଠକେଇର ଫର୍ଦ୍ଦ ବଢିବାରେ ଲାଗିଛି । ୩ ଦିନିଆ ରିମାଣ୍ଡରେ ମାରାଥନ ଜେରା କରିଛି ପିଙ୍କ ଟିମ୍ । ନକଲି ଡାକ୍ତର ରମେଶ ସ୍ବାଇଁ ନାଁରେ ବଢୁଛି ଠକେଇ ଅଭିଯୋଗ । ଦିନ ଗଡିବା ସହିତ ବୃଦ୍ଧି ପାଉଛି ଠକେଇ ମାମଲା ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
