ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ୱର
ଆସନ୍ତା ୧୪ ଓ ୧୫ ତାରିଖରେ ନିର୍ବାଚନ ଆୟୋଗ ଓଡିଶା ଗସ୍ତରେ ଆସିବେ । ଓଡ଼ିଶାର କିଭଳି ନିର୍ବାଚନ ଲାଗି ପ୍ରସ୍ତୁତ ଅଛି, ତାହାର ସମୀକ୍ଷା କରିବେ । ଏହାସହ ବିଭିନ୍ନ ରାଜନୈତିକ ଦଳମାନଙ୍କ ସହ ଭେଟିବାର କାର୍ଯ୍ୟକ୍ରମ ରହିଛି ବୋଲି ସୂଚନା ଦେଇଛନ୍ତି ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର । ଆଗାମୀ ଦିନରେ ସାମ୍ବାଦିକ ଓ ହାଇକୋର୍ଟର ଓକିଲଙ୍କୁ ମଧ୍ୟ ମକପୋଲରେ ସାମିଲ କରାଯିବ ।
ଏହାସହ ଆଜି ସଚିବାଳୟରେ ମଧ୍ୟ ମକପୋଲ କରାଯାଇଛି । ଏଥିରେ ମୁଖ୍ୟ ଶାସନ ସଚିବଙ୍କ ସମେତ ବିଭିନ୍ନ ବିଭାଗର ସଚିବ ଓ ପ୍ରମୁଖ ସଚିବ ମଧ୍ୟ ଉପସ୍ଥିତ ଥିଲେ । ଏହାସହ ଭିଭିପାଟକୁ ନେଇ ବିଭିନ୍ନ ରାଜନୈତିକ ଦଳ ଉଠାଉଥିବା ପ୍ରଶ୍ନ ଭିତ୍ତିହୀନ ବୋଲି କହିଛନ୍ତି ସୁରେନ୍ଦ୍ର କୁମାର । ଏହାସହ ଭିଭିପାଟ୍ ସୁରକ୍ଷିତ ଭୋଟିଂ ପ୍ରକ୍ରିୟା । ଆଉ ଭୋଟର କାହାକୁ ଭୋଟ ଦେଲେ ବୋଲି ମଧ୍ୟ ଦେଖିପାରିବେ।
ଭୁବନେଶ୍ୱରରୁ ତପନ ଦାସ, ଇଟିଭି ଭାରତ
