ଭୁବନେଶ୍ବର: ଜୁନ 5ରେ ବିଶ୍ବ ପାଳିଥିଲା ବିଶ୍ବ ପରିବେଶ ଦିବସ । ଗଛ ଲଗାଇବା ପରିବେଶ ବଞ୍ଚାଇବା ସଂକଳ୍ପ ନେଇ ବିଭିନ୍ନ ଅନୁଷ୍ଠାନ ପକ୍ଷରୁ ବୃକ୍ଷରୋପଣ କରାଯାଇଛି । କିନ୍ତୁ କେବଳ ପରିବେଶ ଦିବସରେ ନୁହେଁ ଏକମାସ ମଧ୍ୟରେ 1ଲକ୍ଷ ଗଛ ଲଗାଇବାର ସଂକଳ୍ପ ନେଇଛି ଇକୋ ଅରବାନ ୟୁଥ ଆସୋସିଏସନ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ବର୍ତ୍ତମାନ ସୁଦ୍ଧା ଏହି ଅନୁଷ୍ଠାନ ଦୁଇ ଦିନ ଭିତରେ 2 ହଜାର ଚାରା ରୋପଣ କରିସାରିଛି । ଆଗକୁ 1ଲକ୍ଷ ବୃକ୍ଷ ରୋପଣ କରିବାକୁ ଲକ୍ଷ୍ୟ ରଖିଥିବା କହିଛନ୍ତି ଆସୋସିଏସନର କର୍ମକର୍ତ୍ତା । ମାସକ ପୂର୍ବରୁ ଫନି ମାଡରେ ସର୍ବାଧିକ କ୍ଷତିଗ୍ରସ୍ତ ହୋଇଥିଲା ସବୁଜିମା । ପ୍ରକୃତିର କରାଳ ରୂପ ଆଗରେ ନଇଁ ପଡିଥିଲା ବୃକ୍ଷରାଜି । ଲକ୍ଷ ଲକ୍ଷ ଗଛ ନଷ୍ଟ ହୋଇଥିବା ବେଳେ ପୁଣି ଥରେ ରାଜଧାନୀକୁ ସବୁଜ ନଗରୀରେ ପରିଣତ କରିବାକୁ ଆଗେଇ ଆସିଛନ୍ତି ଏହି ଯୁବପିଢି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
