ଭୁବନେଶ୍ବର: ମାଓ ଦମନ ନେଇ ଡିଜି କ୍ୟାମ୍ପ ଅଫିସ୍ରେ ଚାଲିଥିବା ଗୁରୁତ୍ବପୂର୍ଣ୍ଣ ବୈଠକ ଶେଷ ହୋଇଛି । ମାଓ ସମ୍ପର୍କିତ ସମସ୍ୟା ଓ ସମାଧାନ ନେଇ ଆଲୋଚନା କରାଯାଇଛି । ବୈଠକ ପରେ ସିଆରପିଏଫ ଡିଜି ରାଜୀବ ରାୟ ଭଟନାଗରଙ୍କ ପ୍ରତିକ୍ରିୟା ଦେଇଛନ୍ତି । ରାଜ୍ୟରେ ଏବେ ୧୧ ଜିଲ୍ଲାରେ ୮ ବାଟାଲିଅନ ସିଆରପିଏଫ ମୁତୟନ ଅଛନ୍ତି । ଆଗକୁ ପୋଲିସ,ବିଏସଏଫ ଓ ସିଆରପିଏଫ ଅଧିକ ମିଳିତ ମାଓ ଅପରେସନ କରିବେ । ଗୁଇନ୍ଦା ତଥ୍ୟ ଆଦାନ ପ୍ରଦାନ ଉପରେ ଫୋକସ ରହିବ ବୋଲି ସେ କହିଛନ୍ତି ।
ଏହା ଛଡା ପୋଲିସ ବିଏସଏଫ ଓ ସିଆରପିଏଫ ମଧ୍ୟରେ ଉତ୍ତମ ସମ୍ପର୍କ ରହିଛି । ଓଡିଶାରେ ବିଭିନ୍ନ ମାଓ ଅଞ୍ଚଳ ଗୁଡିକରେ କାରର୍ଗୋ ଟିମ୍ ମଧ୍ୟ ରହିଛନ୍ତି। ବିଭିନ୍ନ ମାଓ ଅଞ୍ଚଳ ଗୁଡିକରେ ପ୍ରାୟ ୩ଟି ଟିମ୍ କାମ କରୁଛି ବୋଲି ସେ କହିଛନ୍ତି ।
ଏହି ବୈଠକରେ ସିଆରପିଏଫ ଆଇଜି, ସିଆରପିଏଫ ଡ଼ିଆଇଜି, ଗୁଇନ୍ଦା ନିର୍ଦ୍ଦେଶକ ସୁନୀଲ ରାୟ, ଏଡିଜି ଅପରେସନ ଆରପି କୋଚେ, ଆଇଜି ଗୁଇନ୍ଦା, ଆଇଜି ଏସଆଇଡବ୍ଲୁ ଘନଶ୍ୟାମ ଉପାଧ୍ୟାୟ ଏବଂ ବିଏସଏଫର ଉଚ୍ଚ ପଦାଧିକାରୀ ଉପସ୍ଥିତ ଥିଲେ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
