ଭୁବନେଶ୍ବର: ରାଜ୍ୟ ସରକାର ରାଜ୍ୟବାସୀଙ୍କ ପାଇଁ ଗୋଟିଏ ପରେ ଗୋଟିଏ ଯୋଜନା ପ୍ରଣୟନ କରୁଛନ୍ତି। ହେଲେ ଏହା କେତେ ମାତ୍ରାରେ କାର୍ଯ୍ୟକାରୀ ହେଉଛି କେତେ ଲୋକଙ୍କ ପାଖରେ ପହଞ୍ଚୁଛି ଏବେ ତାହାକୁ ନେଇ ସରକାର ଆରମ୍ଭ କରିଛନ୍ତି ଖୋଳତାଡ। ସର୍ବନିମ୍ନ ସ୍ତରରେ ଯୋଜନା କେତେ ଫଳପ୍ରଦ ହେଉଛି ଓ କ’ଣ ସମସ୍ୟା ରହୁଛି ତାହା ଜାଣିବା ପାଇଁ ଜାନୁୟାରୀ ମାସରୁ ଆରମ୍ଭ ହେବ ସଚିବଙ୍କ ଜିଲ୍ଲାୱାରୀ ଗସ୍ତ। ଏନେଇ ରାଜ୍ୟ ସରକାର ଆବଶ୍ୟକୀୟ ନିର୍ଦ୍ଦେଶ ଦେବା ସହ ସମସ୍ତ ପ୍ରସ୍ତୁତି କରି ସାରିଛନ୍ତି। ମୁଖ୍ୟତଃ 13ଟି ଯୋଜନାର କାର୍ଯ୍ୟକାରୀତା ଉପରେ ସଚିବ ସମୀକ୍ଷା କରିବେ। ଏହି ସମୀକ୍ଷା 2020 ଜାନୁୟାରୀରୁ ମାର୍ଚ୍ଚ ପର୍ଯ୍ୟନ୍ତ ଚାଲିବ।
ଜିଲ୍ଲାୱାରୀ ଗସ୍ତ କରିବାକୁ ଥିବା ସଚିବ ହେଉଛନ୍ତି ପିକେ ମହାପାତ୍ର-ଢେଙ୍କାନାଳ, ପିକେ ଜେନା-କଳାହାଣ୍ଡି, ମୋନା ଶର୍ମା-ସମ୍ବଲପୁର, ସଞ୍ଜୀବ ଚୋପ୍ରା-କନ୍ଧମାଳ, ଅନୁ ଗର୍ଗ-ରାୟଗଡା, ବିଜୟ ଅରୋରା-ଗଞ୍ଜାମ, ସୌରଭ ଗର୍ଗ- ମୟୂରଭଞ୍ଜ, ସିକେ ସିଂ-କେଉଁଝର, ଏନପି ଧଳ-ସୁନ୍ଦରଗଡ, ରଞ୍ଜନା ଚୋପ୍ରା-କଟକ, ସୁରେନ୍ଦ୍ର କୁମାର- ବଲାଙ୍ଗୀର, ବିଷ୍ଣୁପଦ ସେଠୀ-କେନ୍ଦ୍ରାପଡା, ହେମନ୍ତ ଶର୍ମା-ନବରଙ୍ଗପୁର, ଚିତ୍ରା ଅରୁମଙ୍ଗମ-କଟକ, ବିଶାଲ ଗଗନ-ଭଦ୍ରକ, ଏସକେ ଲୋହାନୀ-କୋରାପୁଟ, ଶୁଭ ଶର୍ମା-ନୟାଗଡ, ବିଶାଲ ଦେବ-ପୁରୀ, ଭିଭି ଯାଦବ-ମାଲକାନଗିରି, ଏସକେ ସିଂ-ଗଜପତି, ଭାସ୍କର ଜ୍ୟୋତି ଶର୍ମା-ଅନୁଗୁଳ, ଶାଶ୍ଵତ ମିଶ୍ର-ଖୋର୍ଦ୍ଧା, ପ୍ରମୋଦ ମେହେର୍ଦ୍ଦା-ବାଲେଶ୍ବର, କ୍ରିଶନ କୁମାର-ସୋନପୁର, ଆର ରଘୁ ପ୍ରସାଦ-ଦେବଗଡ଼, ଅର୍ଚ୍ଚନା ପଟ୍ଟନାୟକ-ବୌଦ୍ଧ, ମନୋଜ ମିଶ୍ର-ଜଗତସିଂହପୁର, ଏନପି ଚାଓ୍ଵଲା-ବରଗଡ, ରୂପା ମିଶ୍ର-ଝାରସୁଗୁଡା, ସଚିନ ଆର ଯାଦବ-ନୂଆପଡା ଜିଲ୍ଲା ଦାୟିତ୍ଵ ପ୍ରଦାନ କରାଯାଇଛି।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
