ଖୋର୍ଦ୍ଧା: ସମୁଦ୍ର ମଧ୍ୟରୁ ସ୍ଥଳଭାଗ ଆଡକୁ ମାଡି ଆସୁଛି ବାତ୍ୟା ୟସ । ଏହାର ପ୍ରଭାବ ଖୋର୍ଦ୍ଧାର ବିଭିନ୍ନ ସ୍ଥାନରେ ଦେଖିବାକୁ ମିଳୁଛି । ପବନର ବେଗ ଧିରେ ଧିରେ ବଢୁଛି । ବିଶେଷ କରି ଚିଲିକାରେ ଏହାର ସମ୍ପୂର୍ଣ୍ଣ ପ୍ରଭାବ ଦେଖିବାକୁ ମିଳିଛି ।
ଚିଲିକା ଭିତରେ ଥିବା କାଳିଜାଇ ପୀଠର ଦୃଶ୍ୟ ଏବେ ଶୂନଶାନ । ପୀଠରେ କେହି ଲୋକ ନାହାଁନ୍ତି, କେବଳ ପୂଜାରୀ ଅଛନ୍ତି । ଚାରିପଟେ ଚିଲିକାର ଢେଉ କୂଳ ଲଙ୍ଘୁଛି । ପବନର ବେଗ ଯେତେ ଜୋର ବଢୁଛି, ଢେଉ ସେତିକି ବେଗରେ ମାଡ଼ ହେଉଛି । ପବନର ବେଗ ବଢ଼ିଲେ କାଳିଜାଇ ପୀଠର ଅବସ୍ଥା କ’ଣ ହେବ ତାହା ଅନୁମାନ କରିବା ମୁସ୍କିଲ । ଚିଲିକା ମଝିରେ ଥିବା ଏହି କାଳିଜାଇ ଠାକୁରାଣୀଙ୍କ ପୀଠ ଚାରିପଟର ଦୃଶ୍ୟ ଯେତିକି ମନୋରମ, ସେତିକି ଭୟଙ୍କର ହେବାରେ ଲାଗିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
