ଭୁବନେଶ୍ବର: ସାଇବର ଠକ ଜାଲରେ OCAC ମୁଖ୍ୟ । ଓଡିଶା କମ୍ପୁଟର ଆପ୍ଲିକେସନ ସେଣ୍ଟର (ଓକାକ) ମୁଖ୍ୟଙ୍କ ହ୍ବାର୍ଟ୍ସଆପ ନମ୍ବର ହ୍ୟାକ୍ କରି ଲକ୍ଷାଧିକ ଟଙ୍କାର ଠକେଇ ହୋଇଥିବା ଅଭିଯୋଗ । ସାଇବର ଠକଙ୍କ ଶିକାର ହୋଇଥିବା ଓକାକ ମୁଖ୍ୟ ହେଉଛନ୍ତି ମନୋଜ କୁମାର ପଟ୍ଟନାୟକ । ସେ E&IT ବିଭାଗର ଅତିରିକ୍ତ ସଚିବ ମଧ୍ୟ ଅଟନ୍ତି ।
କେହି ତାଙ୍କ ହ୍ବାର୍ଟ୍ସଆପ ହ୍ୟାକ୍ କରିବା ପରେ ତାଙ୍କ ସମ୍ପର୍କୀୟଙ୍କୁ ଜରୁରୀ ଅଛି କହି ୭ ଲକ୍ଷ ଟଙ୍କା ଠକି ନେଇଥିବା ସହୀଦ ନଗର ଥାନାରେ ଅଭିଯୋଗ ହୋଇଛି । ସଚିବଙ୍କ ସମ୍ପର୍କୀୟ ଠକେଇର ଶିକାର ହୋଇଥିବା ଅଭିଯୋଗ କରିବା ପରେ ସଚିବ ପୋଲିସକୁ ଏ ସମ୍ପର୍କରେ ଜଣାଇଛନ୍ତି ।
OCAC ମୁଖ୍ୟ ମନୋଜଙ୍କ ନାଁରେ ସମ୍ପର୍କୀୟଙ୍କ ଠୁ ୟୁପିଆଇ ପେମେଣ୍ଟ ଜରିଆରେ ୭ ଲକ୍ଷ ଟଙ୍କା ଠକେଇ ହୋଇଛି । ସଚିବ ନିଜ ସମ୍ପର୍କୀୟଙ୍କ ସହ କଥାବର୍ତ୍ତା ହେବା ପରେ ଏହି ଠକେଇ କଥା ଜାଣିବାକୁ ପାଇଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
