ଭୁବନେଶ୍ବର: ରାଜଧାନୀ ଉପକଣ୍ଠରେ ଆତଙ୍କ ଖେଳାଇଛି କୁମ୍ଭୀର । ନାହାରକଣ୍ଟା ଅନ୍ତର୍ଗତ ବାସୁଦେବପୁର ଅଞ୍ଚଳରେ ଦେଖିବାକୁ ମିଳିଛି କୁମ୍ଭୀର । ଜଣେ ମହିଳା ସକାଳ ସମୟରେ ନଦୀରେ ଗାଧୋଉଥିବା ସମୟରେ ଏକ କୁମ୍ଭୀରକୁ ଦେଖିଥିଲେ । ପରେ ଜୀବନ ବିକଳରେ ନଦୀରୁ ଉପରକୁ ଧାଇଁ ଆସିଥିଲେ। ତେବେ ଏହି ଖବର ଶୁଣିବା ପରେ ଗ୍ରାମବାସୀ ଭୟଭୀତ ରହିଥିବା ବେଳେ ଘଟଣାସ୍ଥଳରେ ବନ ବିଭାଗ ପହଞ୍ଚି ଅନୁଧ୍ୟାନ କରୁଛି ।
ମହିଳାଙ୍କ କହିବା ଅନୁଯାଇ କୁମ୍ଭୀରର ଲମ୍ବ ପ୍ରାୟ 15 ଫୁଟ ହେବ । ଖବର ପ୍ରଚାର ହେବା କ୍ଷଣି ବନ ବିଭାଗ ଘଟଣାସ୍ଥଳରେ ପହଞ୍ଚି ଅନୁଧ୍ୟାନ ଜାରି ରଖିଛନ୍ତି ।
ସୂଚନା ଅନୁଯାୟୀ, 10 ଦିନ ତଳେ ସେହି ଗ୍ରାମର ଜଣେ ଲୋକ କୁମ୍ଭୀର ଦେଖିଥିବା ଗାଁ ରେ କହିଥିଲେ ହେଲେ ଲୋକ ଏହାକୁ ବିଶ୍ବାସ କରିନଥିଲେ। ବୁଧବାର ସନ୍ଧ୍ୟାରେ ନଦୀ କୂଳରେ ଗାଈ ଚରାଉଥିବା ବେଳେ କୁମ୍ଭୀରକୁ ଦେଖିଥିଲେ । ଏହା ଦେଖିବା ମାତ୍ରେ ବନ ବିଭାଗକୁ ଜଣାଇଥିଲେ। ତେବେ ବନ ବିଭାଗ ଘଟଣାକୁ ଗୁରୁତର ସହ ନେଇ ସେହି ଅଞ୍ଚଳରେ ଆଲର୍ଟ ଜାରି କରିଥିଲା । ପୁନର୍ବାର ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଏକପ୍ରକାର ଆତଙ୍କ ଖେଳିଯାଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
