ଭୁବନେଶ୍ବର: ଅହମ୍ମଦାବାଦକୁ ଗଞ୍ଜେଇ ଚାଲାଣ ବେଳେ ଆରପିଏଫ କ୍ରାଇମବ୍ରାଞ୍ଚର ଚଢାଉ । ପୁରୀ-ଗୁଜୁରାଟ ଗାନ୍ଧିଧାମ ଏକ୍ସପ୍ରେସରେ ଅହମଦାବାଦ ଚାଲାଣ ବେଳେ ଭୁବନେଶ୍ବର ଷ୍ଟେସନ ରେଲଓ୍ବେ ମେଲ ସର୍ଭିସ ଅଫିସ ସାମ୍ନାରୁ 2 ଜଣ କିନ୍ନରଙ୍କୁ ଧରିଛି କ୍ରାଇମବ୍ରାଞ୍ଚ । ସେମାନେ ହ୍ୟାଣ୍ଡବ୍ୟାଗ ଓ ସୁଟକେସରେ ଗଞ୍ଜେଇ ନେଉଥିବାବେଳେ ଧରାପ଼ଡିଛନ୍ତି ।
ଅଭିଯୁକ୍ତ ଦୁହେଁ ହେଲେ ଲକ୍ଷ୍ମୀଧର ମହାନ୍ତି ଓରଫ ଲିଜା ଏବଂ ଅନ୍ୟଜଣେ ବସନ୍ତ ସ୍ବାଇଁ ଓରଫ ବାସନ୍ତି । ଦୁଇ ଜଣଙ୍କଠାରୁ ୧୫ କେଜିରୁ ଉର୍ଦ୍ଧ୍ବ ଗଞ୍ଜେଇ ଜବତ ହୋଇଛି । ତେବେ ସେମାନେ ଗତକାଲି ପ୍ରଶାନ୍ତି ଏକ୍ସପ୍ରେସରେ ବାଲୁଗାଁରୁ ଗଞ୍ଜେଇ ଆଣି ଭୁବନେଶ୍ବର ଆସିଥିଲେ । ପରେ ଗାନ୍ଧୀଧାମ ଏକ୍ସପ୍ରେସରେ ଗତ ସୋମବାର ରାତି ୯ଟାରେ ଭୁବନେଶ୍ବର ଷ୍ଟେସନରୁ ଅହମଦାବାଦ ଅଭିମୁଖେ ଯାଇଥାନ୍ତେ । ହେଲେ ସୂଚନା ପାଇ ଗତ କାଲି ୮ଟା ସମୟରେ ଗଞ୍ଜେଇ ସହ ସେମାନଙ୍କୁ ଗିରଫ କରିଛି ଆରପିଏଫ ଭୁବନେଶ୍ବର ଓ କ୍ରାଇମବ୍ରାଞ୍ଚ ଟିମ । ତେବେ ଆଜି ସେମାନଙ୍କୁ କୋର୍ଟ ଚାଲାଣ କରାଯିବ ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
