ଭୁବନେଶ୍ବର: କୋରୋନା ସଙ୍କଟରେ ଅହେତୁକ ବଢିଚାଲିଛି ପେଟ୍ରୋଲ ଦର । ଯାହା ଏବେ ସାଧାରଣ ଲୋକଙ୍କ ଠାରୁ ସମସ୍ତଙ୍କୁ ବେଶ ପ୍ରଭାବ ପକାଉଛି । ଏନେଇ ଆଜି ଏହାର ପ୍ରତିବାଦ କରି ରାସ୍ତାକୁ ଓହ୍ଲାଇଛି ସିପିଆଇ ।
ପେଟ୍ରୋଲ ଦର ବୃଦ୍ଧି ପ୍ରତିବାଦରେ ସିପିଆଇର ବିକ୍ଷୋଭ
ବିଶ୍ବ ମହାମାରୀ ସମୟରେ କେନ୍ଦ୍ର ସରକାର କର୍ପୋରେଟ ହାଉସମାନଙ୍କୁ ସହାୟତା ପ୍ରଦାନ କରିବାକୁ ଯାଇ ସାଧାରଣ ଲୋକଙ୍କ ଉପରେ ଏଭଳି ବୋଝ ଲଦୁଥିବା ଅଭିଯୋଗ କରିଛନ୍ତି ସିପିଆଇ ଭୁବନେଶ୍ୱର ଜୋନର ସମ୍ପାଦକ ସୁର ଜେନା । ସ୍ଥାନୀୟ ରାଜମହଲ ଛକ ନିକଟରେ କର୍ମୀମାନେ ଏକତ୍ରିତ ହେବା ସହ ଦରବୃଦ୍ଧି ପ୍ରତିବାଦରେ ସ୍ଲୋଗାନ ଦେବା ସହ ତୁରନ୍ତ ଏହାକୁ ପ୍ରତ୍ୟାହାର କରିବାକୁ ଦାବି କରିଛନ୍ତି।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
