ଭୁବନେଶ୍ୱର: ରାଜ୍ୟରେ ବଢୁଛି କୋରୋନା ସଂକ୍ରମଣ । ରାଜ୍ୟରେ ରାପିଡି ଗ୍ରୋଥ ହୋଇଛି । 6 ମାସରେ ଯେଉଁ କୋରୋନା ସଂକ୍ରମଣ ବଢିଥିଲା ଏବେ 6 ସପ୍ତାହରେ ସଂକ୍ରମଣ ସେତିକି ବଢିଛି । ରାଜ୍ୟରେ 90 ପ୍ରତିଶତ ଲୋକେ ହୋମ ଆଇସୋଲେସନରେ ଅଛନ୍ତି ।
ରାଜ୍ୟରେ ଦୈନିକ କୋଭିଡ ସଂକ୍ରମଣ ବୃଦ୍ଧି ଘଟୁଛି । ଗତଥର ଯେଉଁ ପଜିଟିଭ ସଂଖ୍ୟା 6 ମାସରେ ବଢିଥିଲା ତାହା ଏଥର 6 ସପ୍ତାହରେ ବଢିଛି । ମାତ୍ର ଆମେ ଟେଷ୍ଟ ଟ୍ରାକିଂ ଓ ଟ୍ରେସିଂ ଉପରେ ଅଧିକ ଗୁରୁତ୍ୱ ଦେଉଛୁ ବୋଲି କହିଛନ୍ତି ଜନସ୍ୱାସ୍ଥ୍ୟ ନିର୍ଦେଶକ ନିରଞ୍ଜନ ମିଶ୍ର।
ପ୍ରତି ବ୍ଲକରେ ଆରଆରଟି କରାଯାଉଛି । କଣ୍ଟେନମେଣ୍ଟ ଜୋନରେ ମଧ୍ୟ ଟେଷ୍ଟ କରାଯାଉଛି । ବର୍ତ୍ତମାନ ପର୍ଯ୍ୟନ୍ତ ରାଜ୍ୟରେ କେଉଁ ଷ୍ଟ୍ରେନ ପାଇଁ ସଂଖ୍ୟା ବଢୁଛି ତାହା ସ୍ପଷ୍ଟ ହୋଇନାହିଁ । ଓଡ଼ିଶାରେ ଏବେ 90 ପ୍ରତିଶତ ଲୋକ ହୋମ ଆଇସଲେସନରେ ରହିପାରିବା ଭଳି ସ୍ଥିତିରେ ରହିଛନ୍ତି ।
ତେବେ ରାଜ୍ୟରେ ଭରପୁର ହସ୍ପିଟାଲ ଏବଂ ବେଡ଼ ରହିଛି । ସମସ୍ତ ଜିଲ୍ଲାର ଜିଲ୍ଲାପାଳଙ୍କୁ ନିର୍ଦ୍ଦେଶ ଦିଆଯାଇଛି ଯେ ସେମାନେ ପ୍ରାଇଭେଟ ଅପରେଟରଙ୍କ ସହ କଥା ହୋଇ ପ୍ରାଇଭେଟ ହସ୍ପିଟାଲକୁ ପ୍ରସ୍ତୁତ ରଖିବେ । ଯଦି ଦରକାର ପଡେ ତେବେ ଜିଲ୍ଲା ଗୁଡିକରେ ସଂଗେ ସଂଗେ ହସ୍ପିଟାଲ ଲୋକଙ୍କୁ ଯୋଗାଇ ଦିଆଯାଇପାରିବ ବୋଲି କହିଛନ୍ତି ଜନସ୍ୱାସ୍ଥ୍ୟ ନିର୍ଦେଶକ ନିରଞ୍ଜନ ମିଶ୍ର ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
