ଭୁବନେଶ୍ବର: ସବୁଠି କୋରୋନା ଚର୍ଚ୍ଚା । ଗ୍ରାମାଞ୍ଚଳରେ ଆକ୍ରାନ୍ତ ଚିହ୍ନଟ କରିବାକୁ ସରକାର ଆଇନରେ ବ୍ୟବସ୍ଥା କରିଛନ୍ତି । ୱାର୍ଡମେମ୍ବର, ସରପଞ୍ଚ, ପଞ୍ଚାୟତ ଅଧିକାରୀ ପ୍ରଥମେ ଚିହ୍ନଟ କରି ବିଡିଓଙ୍କୁ ଜଣାଇବେ ।
ଯଦି 14 ଦିନ ପୂର୍ବରୁ କୌଣସି ବ୍ୟକ୍ତି ବାହାର ଦେଶରୁ ଆସିଥିବେ ତେବେ ସେମାନଙ୍କ ତଥ୍ୟ ଦେବେ । ଜିଲ୍ଲାପାଳଙ୍କୁ ସବିଶେଷ ତଥ୍ୟ ଦେବେ । ସେହିଭଳି ସହରାଞ୍ଚଳରେ କାଉନସିଲର, କର୍ପୋରେଟର ତଥ୍ୟ କାର୍ଯ୍ୟନିର୍ବାହୀ ଅଧିକାରୀଙ୍କୁ ପ୍ରଦାନ କରିବେ ।
ସେମାନେ ଜିଲ୍ଲାପାଳ ଓ ମୁଖ୍ୟ ଚିକିତ୍ସା ଅଧିକାରୀଙ୍କୁ ତଥ୍ୟ ଦେବେ । ନାଁ, ବୟସ, ଠିକଣା, ଆଦି ପ୍ରଦାନ କରିବେ । ସେହିପରି ଅଫିସର ମାନେ ନିଜ ନିଜର ଅଞ୍ଚଳରେ କେଉଁଠି ଲୋକଙ୍କ ମେଳି ହେଉଛି, ଅଧିକ ଲୋକ ଏକଜୁଟ ହେଉଛନ୍ତି କି ନାହିଁ ତାହା ଅନୁଧ୍ୟାନ କରିବେ । ସେମାନଙ୍କୁ କ୍ଷମତା ଦିଆଯାଇଛି ।
