ଭୁବନେଶ୍ବର: ସାରା ବିଶ୍ବରେ କାୟା ବିସ୍ତାର କରି ଚାଲିଛି କୋରୋନା । ବଢି ଚାଲିଛି ଆକ୍ରାନ୍ତଙ୍କ ସଂଖ୍ୟା । ଆଉ ଏହାକୁ ପ୍ରତିହତ କରିବା ପାଇଁ କୈଣସି ଔଷଧ ଏପର୍ଯ୍ୟନ୍ତ ବାହାରି ନାହିଁ । ତେଣୁ ବିଭିନ୍ନ ଦେଶର ସରକାର ଏହାକୁ ରୋକିବା ପାଇଁ ପ୍ରତିକାରାତ୍ମକ ବ୍ୟବସ୍ଥା ଗ୍ରହଣ କରୁଛନ୍ତି। ଏହା ସହିତ ଅଧିକରୁ ଅଧିକ ଲୋକମାନଙ୍କୁ ସଚେତନ କରିବା ପାଇଁ ଚେଷ୍ଟା ଜାରି ରଖିଛନ୍ତି।
ସ୍ୟାଣ୍ଡ ଆନିମେସନ ମାଧ୍ୟମରେ ସଚେତନତାର ବାର୍ତ୍ତା
ଲୋକଙ୍କୁ ସଚେତନ କରିବା ପାଇଁ କଳାକାରମାନେ ମଧ୍ୟ ଆଗେଇ ଆସିଛନ୍ତି । ଆଉ ଏଥିରେ ଯୋଡି ହୋଇଛନ୍ତି ଓଡ଼ିଶାର ବିଶିଷ୍ଟ ବାଲୁକାକଳା ଶିଳ୍ପୀ ସୁବଳ ମହାରଣା। ବାଲୁକା କଳା ସହିତ ବାଲୁକା ଆନିମେସନ ମାଧ୍ୟମରେ ବିଶ୍ବକୁ ଏହି ମହାମାରୀ ଠାରୁ ଦୂରେଇ ରହିବାକୁ ବାର୍ତ୍ତା ଦେଇଛନ୍ତି।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
