ଭୁବନେଶ୍ବର: ଧୀରେ ଧୀରେ ଚର୍ଚ୍ଚାର ପରିସରକୁ ଆସୁଛି ଓଡିଶା କଂଗ୍ରେସ । ବିଶେଷକରି ବିଭିନ୍ନ ପ୍ରସଙ୍ଗରେ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କୁ ଘେରିବା ହେଉ କିମ୍ବା ନିଜ ଛାମୁଆ ସଙ୍ଗଠନକୁ ସଜାଡ଼ିବାରେ ହେଉ ଦଳ ଏବେ ବେଶ ସକ୍ରିୟ ହୋଇଛି । ଏହି କ୍ରମରେ କଂଗ୍ରେସ ଏବେ ଯୁବକଙ୍କୁ ଏକାଠି କରିବାକୁ ଅଣ୍ଟା ଭିଡ଼ିଛି ।
ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ନିର୍ଦ୍ଦେଶ ଅନୁସାରେ ଛାତ୍ର ସଂଗଠନକୁ ମଜବୁତ କରିବା ପାଇଁ ମଙ୍ଗଳବାର ସମସ୍ତ ଛାତ୍ର ନେତାଙ୍କୁ ଏକାଠି କରାଯାଇଥିଲା । ତେବେ ନିରଞ୍ଜନଙ୍କ ଏହି ନିର୍ଦ୍ଦେଶର ନେତୃତ୍ବ ନେଇଥିଲେ କଂଗ୍ରେସ ନେତା ଦେବାଶିଷ ପଟ୍ଟନାୟକ । ଦଳୀୟ କାର୍ଯ୍ୟାଳୟରେ ଛାତ୍ରନେତାଙ୍କୁ ନେଇ ଏହା ପ୍ରଥମ ବୈଠକ ବସିଥିଲା । ବୈଠକରେ ବିଭିନ୍ନ ପ୍ରସଙ୍ଗରେ ଆଲୋଚନା କରାଯାଇଛି । ବିଶେଷ କରି କେନ୍ଦ୍ର ସରକାରଙ୍କ ବିରୋଧରେ କିଭଳି ଦଳ ଏଜେଣ୍ଡା ପ୍ରସ୍ତୁତ କରି ଲୋକଙ୍କ ନିକଟକୁ ଯିବ ସେ ନେଇ ଆଲୋଚନା ହୋଇଥିବା କହିଛନ୍ତି କମିଟି ମୁଖ୍ୟ ଦେବାଶିଷ ପଟ୍ଟନାୟକ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
