ଭୁବନେଶ୍ବର: ରାଜ୍ୟର ଦୁଇଟି ଉପନିର୍ବାଚନ ପାଇଁ ବିଜେପି ଓ ବିଜେଡି ପ୍ରାର୍ଥୀ ଘୋଷଣା କରିସାରିଥିବା ବେଳେ କଂଗ୍ରେସ ଟିକେଟ ଘୋଷଣା କରିନାହିଁ । ଏନେଇ କଂଗ୍ରେସ ବିଧାୟକ ତଥା ବାଲେଶ୍ଵର ଉପନିର୍ବାଚନ ଦାୟିତ୍ଵରେ ଥିବା ତାରାପ୍ରସାଦ ବାହୀନିପତି ପ୍ରାର୍ଥୀ ଚୟନ ସରିଛି ବୋଲି କହିଛନ୍ତି।
ଏଆଇସିସି ପକ୍ଷରୁ ଅଧ୍ୟକ୍ଷ ଦଳୀୟ ପ୍ରାର୍ଥୀ ଘୋଷଣା କରିବେ । ଏହାସହ ଏଥର ନିର୍ବାଚନରେ ମା’ କୁ ସମ୍ମାନ ଗାଁ କୁ ରାସ୍ତା ପ୍ରସଙ୍ଗ କରିବ । ନବୀନ ପଟ୍ଟନାୟକ ଏ କଥା କହିଥିଲେ ମଧ୍ୟ କରିନଥିଲେ । ଏହାକୁ ମୁଦ୍ଦା କରି ନିର୍ବାଚନ ମଇଦାନକୁ ଓହ୍ଲାଇବ କଂଗ୍ରେସ । ଏହା ସହ ଦଳ ପ୍ରଚାର ପାଇଁ ଡିଜିଟାଲ ଟିମ ଗଠନ କରାଯାଇଛି । ଡିଜିଟାଲରେ ପ୍ରଚାର ସହ ଭର୍ଚୁଆଲ ମିଟିଂ ଓ ଡୋର ଟୁ ଡୋର କ୍ୟାମ୍ପେନ କରିବ ଦଳ ।
ଏହାସହ କଂଗ୍ରେସ ଶାସନ ସମୟରେ ଅନେକ ବିକାଶମୂଳକ କାର୍ଯ୍ୟ କରାଯାଇଛି ଯାହା ଲୋକଙ୍କୁ ଜଣାଇବୁ । କେନ୍ଦ୍ରୀୟ ନେତୃତ୍ଵ ପ୍ରଚାର ପାଇଁ ଆସିବେ ଏହା ସହ ସମସ୍ତ ବିଧାୟକ ପ୍ରଚାର କରିବେ ବୋଲି ତାରା କହିଛନ୍ତି ।
ଭୁବନେଶ୍ବରରୁ ତପନ ଦାସ,ଇଟିଭି ଭାରତ
